Салын Тугтун нертә селәнд Советск союзин героймуд мемориальн комплекс байрин бәәдлд секгдв
Сарпан района салын тугтун нертә селәнд Советск союзин героймуд Делгә Эрднь, Бадман Эренценд болн дәәнд орлцсн цуг салдсмудт нерәдгдсн мемориальн комплекс байрин бәәдлд секгдв. Байрин керг үүлдврмүд Делгә Эрднин насна 90жилин өөнд болнзөрмг йовдл үзүлснә найн жилин өөнд нерәдгдв. Тодлад келхдҺминһн йисн зун дөчн хойрдгч жилин июль сард танков дивизинг командир Делгә Эрднь Ростовск областин Пухляковский селәнә өөр хортнас межә харсч йовла. Зурһан өдрин эргцд зөргтә хальмгин болн советск салдснр эн һазриг немшнрәс харссмн. Хальмгин хәәртә үрн Делгә Эрднь немшин һурвн танк, һурвн ацата машинд бәәсн жирн немшнрин салдснриг уга кесн билә. Түүнә хөөн эрднь дәкәд ноолданд орлцв, күнд шав авсн болв чигн цааранднь дәәлдв.Дигтә тер һазрт әмнәсн хаһцсн болдг.
Байрин бәәдлд секгдсн мемориалд Догзмакин, ЗаргакинҺКаажихина болн Салын Тугтун селәдмүдәс дәәнд орлцсн салдснрин нерд бичәтә. Дәкәд эн өдр Салын Тугтун селәнд музей секв. Эн музейд эн һазра алдр дәәчнр Делгә эрднин Бадмин эренцена болн Геннадий Лячина зөрмг йовдлмудын туск олн материалмуд орсн бәән Эндр өдр бүрдәгдсн керг үүлдвр хамгин түрүнд дорас өсч йовх баһчудт нерәдгжәнә, өдгә цагт эдн дәәнә жилмүдт залу зөрмгән улсин тускар медх зөвтә, юнгад гихлә дигтә тедн әмән хармнлго мана эндрк бәәх сән жирһлин төлә дәәдсмн.
