Ралли-рейдын дарани девснг Элст балһснд эклв

Элст-Майкоп хоорнд болжах Торһн зам нертә нарта-делкән: товчлгч тавдгч девснг мана танһчин хотл балһснас һарч йовв. Хальмг танһчин аһуһар зурһан зун дуунад кегдсн дөрвдгч девснгин ашар Францин элч Кристиан Лавьелль нүүрт һарв. Аца зөөдг машид дунд болжах дөрдәнд ода Эдурад Николаев түрүн ормд йовна. Товчлгч марһана өмн “КамАЗ-Мастерсин” пилот йисн минутд Чехин жолач Алеш Лопрайсин өмн һарв. Урднь дөрвдгч девснгд чехин элч түрүн орм эзлсн билә. Внедорожникүд дунд болжах марһанд Джи-Форс моторспортын маши залач Владимир Васильев хамгин хурдар гүүлгв. Дәкәд нег тодлад келхлә, урднь темдглсн зураһар Торһн зам нертә ралли-рейд Геленджик балһснд төгсх зөвтә билә. Болв Кубаньд усна зеткртә аюл болснас көлтә дөрлдәнд тавсн девснг болх гиж раллин бүрдәһәчнр шиидв.