Пятигорск балһснд Федерацин Хүүвин комиссин сүүр болв

Пятигорск балһснд Әрәсән Федерацин Хүүвин дав зуурин комиссин өргн сүүр болв. Селәнә эдл-ахун делгрлтин туск федеральн закан нарта-делкән хулд-гүүлгәнә организацин некврлә ирлцжәнә. Шин закан селәнә эдл-ахусиг дөннлһнә төлә ик чинр зүүхмн. Энүнә тускар төгрг ширән сүүрин йовудт аграрн болн хот-хоолын политикин, йиртмж олзлһна Федерацин Хүүвин комитетин ахлач Геннадий Горбунов келв. Әрәсән Федерацин сүүрт Хальмг танһчин толһач Алексей Орлов һардврта делегап орлцв. Селәнә эдл-ахун элчнр саалыин мал өсклһнә туск бәәдлин, һаха өсклһнә болн талдан чигн агропромышленн халхин тускар тооца кев. Тер мет эдн государственн халхас дөн күрглһнә кергиг үнлв. Ода Әрәсәд системн хаһлх төрмүд һарч ирв гиж пленарн ашлгч сүүрин йовудт хургт орлцачнр темдглв. Тер тоод производствин һару өсжәнә, инвестиц баһар иржәнә, селәнә эдл-ахун үүлдәчнрин продукцин чинрин кемжән дор оржана. Эн халхин төрмүд яһж хаһлхин тускар Хальмгин толһач Алексей Орлов эврәннь тоолврарн хувалцв. Федерацин Хүүвин ахлач Валентина Матвиенко келсәр, хойр минһн хөрдгч жил күрт селәнә эдл-ахун делгрлтин тлә ут-тоодан хойр зун хойр жува арслнг йилһж өггдх.