Оютнрин педагогическ отрядудын форум көдлмшән эклв
Эндр Элст балһснд оютнрин педагогическ отрядмудын цугәрәсән форум көдлмшән эклв. Энүнд мана орн-нутгин дөчн дөрвн регионас нәәмн зун күн ирж орлцжана. Ик хургин йовудт мастер-классмуд, дамшлтын семинармуд, төгрг ширән сүүр, үүдәлтин марһас болн спортивн дөрлдән бүрдәгдж давулгдх.
Өмн өдр оютнрин отрядмуд шуугата нәр-наад кев. Эдн нег-негнтәһән өөрхн таньлдв. Баһчудын нәр-нааднд Элст балһснд ирсн форумин бүрдәһәчнр орлцв. Баһчудын кергүдин федеральн агентствин һардач Сергей Белоконевин келсәр, Әрәсән баһчудын һардачнриг негдүлх төр хамгин һол керг болжана. Педагогическ отрядмудын үүлдврт федеральн цутхлнг оньг тусхах кергтә. Эндр ик хург байрин бәәдлд секгдв. Энүнд хальмг танһчин толһач Алексей Орлов орлцад, йөрәлин үг келв. Баһчуд — мана иргч болжана. Иим шунмһа көвүд-күүкдт дөн күргх кергтә. Хургин көдлмш сән күцәмжтә болтха гиж Орлов дурдв.
