Ода больницд электронн эв-арһар эмчд орж болх
Больницд ик чеерүдин төр электронн регистратурин эв-арһар халһгдх. Ода иим эв-арһар бичкдүдин поликлиникд кергтә эмчд бичүлж болх. Интернетын дөнгәр дурта цаглаһан кергтә эмчд орж болжана.
Елена Гусеван һол кергнь — бичкдүдиг эмнүлж, эднә эрүл-мендинь хәләж харх төр болжана. Һучн жилдән бичкдүдин поликлиникд участкин эмч болж көдлжәнә. Эн цагин эргцд энүнә кабинетин өөр ик чеерүд оньдин цуглрдгинь үзнә. Тегәд электронн регистратур орулгджах зәнг сонсчкад педиатр икәр байрлв. Ода олн улсин ик чеерүдин ормд электронн эв-арһар эмчд бичгдж болх. Калмдоктор точка ру сайтд орад кергтә эмчд бичүлж болх.
Бичкдүдин поликлиникин участкин эмч-педиатр Елена Гусеван келсәр, бичкдүдт йир эвтә болжана. Урднь эк-эцкнр эмчд орхин төлә ик чеерүдт зогсдг билә. Кемр бичкдүд унхла, энүг серүләд эмчд күргх кергтә бәәсмн. Ода болхла дурта цаг эк-эцкнр шүүж авч чаджана.
Ода танһчин бичкдүдин поликлиникд жирн һурвн кергтә оборудованя комплект углж тәвгдв. Ода поликлиник хөрн долан минһн көвүд-күүкдт медицинск туслмж күргжәнә. Эн жилин март сарас авн Хальмг танһчин эмнүлин учрежденьст интернетын дөнгәр эмчд бичүлж болх. Шин эв-арһин дәкәд нег олз-туснь — межкабинетн хоорнд бичвр кегднә. Нег эмч гемтә бичкдүдиг талдан специалистд интернетын эв-арһар йовулж чадх.
Бичкдүдин поликлиникин эмч-эндокринолог Людмила Бистееван келсәр, межкабинетн бичврәр кергтә эмчд орж болх. Энүнә төлә зуг сайтд орад, кергтә эмчд биүлж болх.
Ода танһчин медицинск учрежденьст ирнс танһчин цуг әмтн электронн регистратурин дөнгәр эмчд бичүлж чаджана. Хамгин түрүнд эннь бичкн үрүдүдтә экнрт сән дөн күргх. Бичкн үрдүдтә экнрт йир сән болв. Тавн минутд интернетд орад, бичүлж болх. Урднь ик чеерүд хурдг билә. Ода йир сән болв гиж эн эк кеднә. Регистратурт ик чеерүд цуглрдг бәәсмн. Ода сайдт олзлжанав гиэ эн залу күн келнә. Электронн чеерүдин дөнгәр эмчд оржана. иим керг нанд таасгджана гиж эн эк темдглв.
Электронн регистратурла зерг урднь көдлжәсн регистратурин дөнгәр эс гиж телефоһар кергтә эмчд орхин төлә бичүлж болх. Интернетын эв-арһар нег өдртән арвн тавн күн эмчд бичүлж чаджана. Арвн күүнд межкабинетн эв-арһ дөн күргхмн. Хөрн тавн күн болхла урдк кевәр поликлиникд ирәд эс гиж телефоһар эмчд бичүлж чаджана.
Елена Алексенко, Настан Сергей
