Медәтнр компьютерар көдлж чадх
Компьютерар көдлдг сурһуль дасв. Элст балһсна рвн медәт шишлнг сурһуль төгсәснә сертификат авцхав. Нег сарин эргцд эдн электронн техникар көдлх эрдм дасж авв. Бабушка и дедушка онлайн нертә социальн программар иим түрүн баг сурһуль дасв.
Электронн бичг агчмин зуур йовулж чадхин тускар Анатолий Горяев компютерн сурһульд медж авв. Ода Анатолий Эрдниевич эврәннь ач күүктәһән скабайр хәрләц бәржәнә. Эннь медәтә күүнд йоста өвәрц керг болж һарв. Интернетын дөнгәр талдан улсла күүндж болх, нег үлү кесг минһн дуунад бәәх кү үзж болна. Ода энүнә дурта ач күүкнь оньлин залдһлда бәрнә.
Анатолий Горяевин келсәр, интернетын дөнгәр олн-зүсн эв-арһ олзлж болх. Ода кесг минһн дуунад бәәх эврәннь ач күүктәһән күүндж болна. Ода эмчин хәләврт болн талдан чигн государственн организацст урдаснь бичүлж болх.
Сурһульд орсн медәтнр талдан чигн компьютерн эв-арһин тускар медж авв. Урднь медәтә улс электронн техник олзлжасн уга билә. Ода эднә бәәдл-жирһл сольгдв. Ода хотл балһсна медәтнрин келсәр, хоорндан хәрлцә бәрхд амр болв. Эднә элгн-саднь һазадын ордудт бәәнә. Шишлнг сурһульд пенсионермуд компьютарар кздлх хамгин түрүн медрл авцхав.
Компьютерн сурһулин багш Гилян Даржагинован келсәр, медәтнр сурһулян йир сәәнәр дасв. Эдн дигтә-дарата улс. Кичәлд цаглань ирнә, өгсн цуг даалһвриг күцәнә.
Компьютерн сурһуль дассн түрүн улст — түрүн диплом бәрүлж өггдв. Зәнглһнә бюолсурһуль дассн түрүн улст — түрүн диплом бәрүлж өггдв. Зәнглһнә болн электронн техникар көдлдг сурһулин социальн программ Әрәсн тәвн тавн регионд күцәгджәнә. Тер тоод хальмг танһч орв.
Улст социальн туслмж күрглһнә танһчин цутхлнгин һардач Светлана Роман келсәр, Элст балһсна цуг пенсионермуд иим сурһульд орж чадх. Эдн мөнг өглго сурх. Иим сурһульд орх күн дала. Түрүн багд арвн күн сурв. Ода һурвн баг орулж авх зура бәәнә.
Ода иим сурһульд орх саната улсиг бичж авлһн цаарандан кегджәнә. Декабрин нег шинд Забота нертә улст социальн туслмж күрглһнә цутхлнг шин метәтә сурһульчнриг күләжән. Энүнд һучн күн сурһуль дасж чадх.
Арстана Светлана, Хулхачин Николай
