Медицинск колледж олимпийск фан-зон бүрдәв

Сочи балһснд олимпиадын марһас арвн һурвн өдр болжана. Эндр Әрәсән спортсменмүд биатлонд болн цан дошурт диилвр бәрх гиж нәәлжәнә. Келхд, Элст балһсна эрдм-сурһулин учрежденьс дунд медицинск колледж түрүн болж олимпийск фан-зон бүрдәв. Сурһулин заведеняс һарлго оютнр болн багшнр олимпиадын марһа хәләж чаджана.

Иван Пикуля болн Мария Любитенко Волгоград балһснас ирж. Спортивн бииһәр зурһан настаһасн авн көдлжәнә. Эдн Волгоградск областин кечсг дам чемпионмуд, цугәрәсән марһасин призермудын тоод орла. Эднә хамгин дурта би — самба. Эднә тоолврар, латиамериканск көгжм байр үүдәнә, карнавалд орлцснла әдл болна, эврәннь цогц-махмудан эвтәһәр көндәһәд, билг-эрдмән үзүлхд дөн болна.

Мария Любитенко келсәр, эн би йир таасгдна. Спортивн бальн бииһин халхар сән күцәмж бәрх саната.

Иван Пикуля келсәр, эдн марһанд сән белдвр кев. Кесг марһанд орлцад, дамшлтан өөдлүлв. Ода Е класст оржана. Энүнә төлә цуг кергтә балл хоршав.

Марһанд зәрм орлцачнр иим фестивальд түрүн болж орлцжана. Көвүд-күүкд эврәннь бәрсн күцәмждән байрлв. Иим бичкн наста болв чигн уйн наста биичнр хувц-хунран тодрхаҺар шүүж авв. Эдн цугтан эврәннь артистическ билг-эрдмән үзүлхәр зүткв.

Эн күүкнә келсәр, спортивн бииһәр һурвн жилдән соньмсжана. Иим эрдм йир икәр таасгджана. Эн орлцачин келсәр, латиамериканск би таасгдна. Тер тоод хамгин дурта би самба.

Көвүд-күүкдин үзүлсн вальс, джайв, ча-ча-ча болн талдан чигн бииг жюрин гешүд үнлв. Зарһчнрин тоолврар, иим марһанд көвүд-күүкд кесг цагтан дасж авсн дамшлтан үзүлсн деерән, шини эв-арһ олзлхд туслна. Волгоград балһснас ирсн марһана ах зарһч Игорь Печеновин келсәр, нарта-делкән кемжәнд тавн халхар биичнр үнлгднә. Эннь цогц-махмудан һоодан бәрж биилх, биичһин чинр тоод авгдна, техник, көгжм, хореографь бас үнлгднә. Көвүд-күүкд яһж би үзүлснь бас шинжлгднә.

Түргн би, ке-сәәхн хувцн, хәләһәчнрин дөннлһн — эннь багшнрин көдлмшин хамгин өөдән үнлһн болжана.

Ээнән Делгр, Бадмаран Владислав