7 июля, 19:01
 33 °C
81,47
72,17
  • ВЕСТИ
  • МЫ ВМЕСТЕ 2020
  • АВТОНОМИЯ2
  • АВТОНОМИЯ 100 ЛЕТ
  • АВТОНОМИЯ3
  • АВТОНОМИЯ4
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM
22 августа 2013, 19:09

Машин күүнә гер дәврв

Зеткртә йовдл Элст балһснд учрв. һазадын орна нег ик машин әмтн бәәдг гер мөргв. Эн зеткртә йовдл хотл балһсна тал дунд Омский вьезд нертә переулкд учрв. Нег сәнь, энүнә ашт күн әмнәсн хаһцсн уга, шав авсн уга. Ода зеткртә йовдлын учрнь илткж авгджана. Мана үүдәгч баг зеткртәй овдл учрсн һезрт одад ирв. Энүнә тускар тодрхаһар мана зәнгч Ээнән Ольга келжәнә.

Эн видеозургудт зеткртә йовдлын аш үзжәнәт. Модн хаша хамхрж одв, герин өөр суулһсн шагшгуд унж одв. Тер мет герин нег өнцкнь бас эвдрсн бәәж. Зеткртә йовдл сөөһәр нег часин алднд учрв. Герин эзн Эрдни Настинов ик шууганас серв. лайф дәәнә ветаран Эрдни Настиновин келсәр, сөөһәр генткн иу шуугана көлтә серв. Сандл көмрәд унж одсн бәәж. Турва эвдрж. Талдан чигн зөөр хамхрв.

Эн сандлд Эрдни Бадминович сууһад радио сонсхдан дурта. Энүнә сандлнь залд терзин өөр зогсжана. Бигтә эн һазрт машин гер мөргж. Зеткртә йовдлын хойр час өмн дәәнә ветеран талдан хорад орсн бәәж. Тегәд чигн күн шавтсн уга. Тер бийнь негдгч багин инвалидын эрүл-менднь муурв. лайф Эрдни Настиновин келсәр, энүнәс көлтә цусмна дарлт өсв, толһа өвдв. Эм уух кергтә болв. Ода күртл бийнь тасго бәәнә.

Зеткртә йовдлыг ветерана күүкн Татьяна Настинова бас үзж. Энүнә келсәр, гер цоксн ә сонсчкад, һазаран гүүж һарв. Тенд ик машин гер мөргсинь үзв. Машина салонд күүкн болн көвүн йовж.

Тер мет машин гер мөргнәс көлтә бийән уһадг хора бас эвдрв. Энүнд бәәсн дула өгдг хәәсн бас эвдрж. Ода дула өгдг цуг систем көдлжәхш. Энүг ясхин төлә дала мөнгн кергтә. Нег үлү, цөн сар болад киитн болх. лайф Татьяна Настинован темдглсәр, гер икәр цокснас көлтә турвас энгдән эвдрж. Турва дор ормасн көндрж одсн бәәж.

Келхд, Омский вьездин гермүд тәвн нәәмдгч жилд дәәнә ветеранмудын төлә тосхсмн. Эрдни Бадминович төрскән харсгч дәәнә орлцач, олн ачлврмудар ачлгдла. Баһ наста жолач аля-азд йовдл һарһв гиж ветеран тоолжана. Эднә гер дәврсн улс чанһ засгла харһулгдх зөвтә. Настиновихна өрк-бүл үнән көөлдәд зарһд эрлһ орулх саната. Ода зеткртә йовдлын тускар мөшклһнә органмуд шинжлт кежәнә.

 Подписывайтесь на нас в Facebook!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия