Март сарин 8 нарт делкән күүкд улсин сән өдр

Удл уга нарт-делкән күүкд улсин сән өдр болх. Эн байрин өмн өргнд залу улс белгүд хулдж авчана. Мошулдаевихнә өрк-бүл болхла эн байриг тенкән уга күләж, эврәһәрн тосна.

Цөн өдр давад күүкд улсин хамгин байрта өдр болх. Эн өдрмүдт цуг залу улс лавкс эргж ке сәәхн белг хулдж авхар йовна. Эн өдр күүкд улст бүлән хәләц кергтә. Энкр күүкдтән ямаран белг хулж авхд олн залус урдасн санна. Эн өдр залу шүүв өгчәх кевтәһәр гүүлднә. Урн тосхач Баатр Мошулдаевин өрк бүлд энкр авальнь болн зурһан күүкн бәәнә. Эднд жил болһн мартын нәәмнд белг хулдж авхд йир күнд болна. Ямаран белг хулдж авхин тускар эдн нанд келхш, би эврә дурарн цаһан седкләсн хулж авнав.

Би эднд дангин эн байрта өдрлә цецгүд хулдж авнав, дәкәд эдн дегтр умшхд әвр дурта. Үдлә хотан бас би чаннав, гиж маднд Баатр Мошулдаев келв. Нанд болн мини сәәхн күүкдт эн байр таасгдна. Герин күүкд күн Анжела, Люба, Алтн-Байр, Цаһан-Белг, хойр икр Амулн-Бадма Эләнә—Буйнта болн хамгин бичкн Эмма күүкдт би йир дуртав гиж олн үртә эцк Баатр келв.

Күүкдин келсәр жил болһн эцкнь өвәрц белг маднд белглнә. Хулдж авсн белгүдән байрин өдрин өмн өргнд мана эцк маднд үзүлгон бултулна. Ке сәәхн ширә эргж суухла мана энкр эцк хулдж авсн белгүдән маднд бәрүлж өгнә-гиж маднд күүкд байрлж келв.

Зурһан күүкд экдән дангин дөн нөкд күргнә-ааһ Сав уһана, герән ахулна. Ни негн хамдан көдлмшән күцәхлә амр болна гиж эцк келнә.

Эн өдр би цуг бүлән хәләцән, бүлән үгән эднд нерәднәв. Мартын нәәмн цуг күүкд улсин сән байр —тегәд эн өдр күн болһн. Энкр күүкдән цаһан седкләсн йөрәх зөвтә.

Кермен Санкун, Владислав Бадмаран