Көтчнр селәнд хуучн бичкдүдин садын гер шинрүлдгджәнә
Шин жилд шин бүүрт орх. Бичкдүдин садын хуучн гер шинрүлж ясгджана. Көтчнр селәнд бәәх ор һанцхн дошкольн учрежденьд садт орх цуг бичкдүдиг орулж авч чаджахш. Тегәд бичкн көвүд-күүкд кесгтән чеерүдт зогсажана. Садт оржах бичкдүд болхла поселкин хол захас нааран иржәнә. Эннь эк-эцкнрт бас зовлнг болжана.
Наталья Учаева өдр болһн гилтә бичкддүин садт ясврин ямаран көдлмш күцәжәхинь ирж бүртнә. Дошкольн учреждень секхинь тенкән уга гидгәр күләжәнә. Наталья Учаева бичкдүдин садын һардач болсн деерән, эврән дөврн болн тавн наста хойр күүкән өскжәнә. Ода деерән энүнәкүүкднь Көтчнр селәнд бәәх ор һанцхн садт оржана. Эн сад гертәснь ик холд бәәнә. Ясвр кегджәх дошкольн учреждень болхла гериннь өөр бәәнә. «Ромашка» нертә дошкольн учрежденя һардач Наталья Учаеван келсәр, бичкдүдин садт ясврин көдлмш кехин төлә бәәрн администац мөнг йилһж өгв. Дошкольн эрдм-сурһулин федеральн программар мебель хулдж авхин төләзурһан зун минһн арслнг йилһж өггдв. Шинрүлгдсн садт цуг мебель, тер тоод суудл-ширә, орн цуһар шинәс хулдж авгдх.
Өдгә цагт шинрүлгджәх садын герт орань кегдв, электрокүчнәсуннһуг сольгдв, дула өгдг шини систем углж тәвгдв. Одахн терз-үүдн тәвгдв, ода газ орулх кергтә. Садын герт дулан болхла, тосхачнр герин дотр ширдлһнә көдлмш эклх. Наталья Учаеван келсәр, ирх жилин негдгч кварталд шинрүгдсн бичкдүдин сад көвүд-күүкдиг тосж авх. Тиигхләрайона цутхлнг селәнд эн хруц төр хаһлгдх. Ода дошкольн учрежденьд орхин төлә йирн долан көвдү-күүкд чеерүдт бәәнә. Көтчнрә РМО-н эрдм-сурһулин әнгин ахлач Инна Бургуеван келсәр, района администрац бичкдүдт онц оньг тусхажана. Райоан ахлачнрин хург болһн эрдм-сурһулин төрмүдәс эклнә. Шин администрац ирснә хөөн, эн туст дала көдлмш кегдв. Бәәрн школын герт газ орулгдв, энүнә төлә тавн сай арлснг йилһж өггдв. Тер мет эрдм-ссурһулин учрежденьсин материальн-техничск ул батрулгджана.
Тер мет өдгә цагт района гимназин герт бас шинрүлһнәкөдлмш кегджәнә. Энүнд эклц классмуд сурхмн. Ода деерән болхла бичкдүд хуучн военкоматын герт сурчана. Хуучн школ жирн дөрвдгч жилд тосхгдсмн. Тер цагас авн нег чигн дәкж энд ясврин көдлмш кегдәд уга. Хойр минһн йисдгч жилд гимназин гериг Әрәсән школмудын капитальн ясврин программд орулв. Эн жилин сентябрь сард мөнгн ирв. Октябрь сард болхла ясврин көдлмш эклв. Косиевин нертә Көтчнрә гимназин директор Замба Кушовин келсәр, гимназин герт дула өглһнә шин систем углж тәвгдх, элеткрокүчнә оборудовань сольгдх, шин евро терз-үүдн тәвгдх. Эн жилин чилгч крүтл цуг ясврин көдлмш төгсх зөвтә. Энүнә төлә дөрвн сай һурвн зун арслнг ирв, район нег сай арслнг йилһж өгв.
Гимназин директор Замба Кушовин келсәр, гимназин герт ясврин көдлмш эн жилин декабрь сард төгсх. Эннь бичкдүдт шин жилин байрт сән белг болх. Байрин хөөн шин жилд шинрүлгдсн школд хойр зун далн көвүд-күүкд сурх.
Татьяна Зубцова, Хулхачин Николай
