Көтчнр селәнд бөк бәрлдлһнә марһан болв
Давсн амрлһна өдрмүдт Көтчнр селәнд церглж йовад әмнәсн хаһцсн зөв-йосна органа көдләч Владимир Манджиевин санлд нерәдгдсн вольн янзар бөк бәрлдлһнә марһан болв. Энүнд района цуг селәдин болн танһчин райодын зун тәвн элч дөрлдәд, дииләчән йилһв.
Эн давсн амрллһна өдрмүдт Көтчнр һазрт спортивн бәәшнгин уул деер хальмг танһчин ФСБ-н көдләч Владимир Манджиевин санлд нерәдгдсн бөк бәрллдәнә турнир болв. Эврәннь чидлән, олн жилдән хоршасн дамшлтан үзүлхәр бүкл танһчас зун тәвн бөкнр ирв. Төрскн селәнд өсч боссн көвүг ик бичкн уга меднә.Бичкн цагасн авн Манжин Владимир сурһулян йилһән сәәнәр сурч спортд дуран өгч, эк эцктән өлзәтә үрн болж өссмн. Школан чиләснә хөөн Санкт Петербургин милицин ик сурһульд орв, түүнә хөөн ФСБ ирж көдлв-гиж маднд көвүнә тускар экнь келв. Баһ настадан Манжин Владимир Ростов балһснд болсн бөк бәрлдәнә турнирт орлцад, дурта кергәрн үүлдж йовх кемлә гемин уршгар энүнә наснь тасрв. Манжин Владимирин бәәдл жирһл күн болһнд үлгүр болх гиж сангдна, тер юнгад гихлә эндр өдр дорас өсч йовх бичкдүд энүг дурахар седцхәнә, бас сән сурһульта, сән көдлмштә болхар седнә. Бутан Чингиз бөк бәрлдәнә секцд жил хооран ирв, эн спорт арвн наста көвүнд йир таасгдна.
Эн турнир бүрдәж давулхд ик нилчән Манжин Владимирин элгн саднь, хамдан суруль сурч йовсн үр иньгүд, хамдан көдлж йовсн көдләчнр, Көтчнрә Рмон һардачнр дөн нөкдән күргв.
Цаг нег кевәрн бәәдго, кен медхв үлдсн ор һанцхн көвун урн эцкиннь кергиг цааранднь давулад чигн бәәх , Эн эс чигн талдан уул куцәв чигн эцкиннь дүр дангин тодлхнь лавта.
Аджин Светлана, Жамбин Дмитрий
