Краснодарск крайд аюлла харһсн улст олн улс дөн күргжәнә
Краснодарск крайд аюлла харһсн улст гуманитарн дөн цуглугджана. Элст балһснд региональн штаб бүрдәгдв. Энүнә пунктмуд танһчин цуг райодт көдлжәнә. Ода эдн әмтнд дөн күрглһнә цутхлнгудын улд үүлджәнә. Буйнч седклтә әмтн дулан хувц-хунр, талдан чигн кергтә тоот авч иржәнә. Зәрм улс болхла, эврәннь нег өдрә жалван түрү бәәдлд туссн улсин төлә йовулхар шиидв. Ямаран расчетн тойгар мөнг йовулхин туск зар тадн ода эврәннь телевизорар үзжәнәт. Тер мет банкин реквизитмуд Вести-Калмыкия точка ру нертә мана сайтд бас бәәнә. Дәкәд нег тодлад келхлә, Кубаньд болсн аюлас көлтә нег минһ аһр күүнд медицинск дөн күрггдв. Эднәс өрәлнь бичкдүд. Ода больницмудт хойр зун күн эмнүлгджәнә. Эн өдрмүдт Краснодарск крайд усна аюлд харһсн райодт хәәврин болн харслһна көдлмш кегджәнә. Тер мет талдан чигн ясврин көдлмш күцәгджәнә. Йосна кесн сүл то-дигәр, усна аюлд зун далн негн күн әмнәсн хаһцв.
