Канукова болн Шарнут селәнд көк түлә ирв

Шин жилин байрин өмн өргнд Сарпан района Шарнут болн Канукова нертә селәдмүдт көк түлә ирв. Өдгә цагт көк түлә эврәннь гермүдтән зун дөчн өрк бүлмүд болн Канукова селәнә дундын школ орулв. Эн жилин декабрин һучн күртл көк түлә әмтнә гермүдт орх.

Сарпан района Канукова селәнә школд кесг жилдән күләжәх көк түлән ирв. Көк түлә школур орулхин өмн специалистр кесг дәкж шинжлтин көдлмш кесн билә. Василий Днепровский көк түләнә церглтин ахлач цуг көдлмшиг бүрткж хәләжәнә. Энүнә келсәр шарнут селәнд бас көк түлә ирв. Хамгин түрүнд көк түлә школд орулсн билә тер юнгад гихәлә һаза киитн зогсчана.

Василий Днепровский келсәр ахр цагин бозлгт мана церглтин көдләчнр көк түлә холл бәәсн селәдмүдт орулв. Декабрин сүл өдр күртл мана көдләчнр эврәннь көдлмшән кех.

Школын директор Ирина Заруднева урднь классин хорад обогреватель олзллдг билә. Өдгә цагт хулдж авсн дула өгдг шишлн прибормуд олзлдгшго. Өдгә цагт эдниг олзлх керг үга.

Школын бәәдл жирһл ода сольгдх. Школын багшнр э ник чинртә керг үүлдвриг кесг жилмүд күләв. Эн жилд көк түлә иршго бәәдлтә билә. Болв специалистр эврәннь көдлмшән эн жилд дуусхар седв. Хальмгин толһач мана селәнд ирәд эн жилд селәнд көк түлә орх гиж зәнг орулсн билә. Эрвәннь үгдән күрв мана толһач гиж школын багшнр байрлж келцхәв.

Үвлин киитн өдрмүдт мана школд дулан болх. Бидн мана района ахлачнрт болн хальмгин толһачд ханлтан өргжәнәвидн. Эндрк кежәсн көдлмш цуг баһчудын төлә кегджәнә.

Канукова селәнә хойр зун гермүдәс зун һучн эндр өдр көк түләтә болв. Хамгин түрүнд көк түлә канан бован өрк бүлд ирв. Бова Эрдниевна хальмг цәәһән чанв.

Найн тавн нас зүүүжәх медәтд өдр болһн мод зөөх бешән түлх йир күнд билә. Ода гаазта болад эдн тенкән уга байрлжана. Мана өрк бүл дик байр.үнн цаган седкләсн цуг көдләчнрт бидн ханлтан өргжәнәвидн гиж ач көвүн нимән эрднь келж өгв.

Байрин өдрмүд манһдур күртл болхмн. Канукова селәнә әмтн бас эврәннь гермүдтән көк түлә орулх. “Газпром” компаня ахлачнр ик көдлмш кежәнә олн улст шин жилин байрин өмн өргнд байр үүдәжәнә. Арвн һурвн муниципальн бүрдәцәс нәәмнь газта болв гиж сарпан рмон ахлач Юрий Жуков келж өгв. Иргчдән тавн селәдт газ ирх.

Иргч жилд хальмг танһчин үлдсн селәд поселкст көк түлә орх зөвтә.

Чучеева Валентина, Колдаев Церен