Инвалидмудын таал ясрулх программ батлж авгдв
Хальмгин правительствин тогтаврар, иргч дөрвн жилд Доступная среда нертә государственн программ батлж авгдв. Энүнә һол күцлнь — инвалид улс обьектмудт болн туслмж күргдг организацд боомтг угаһар күрлһнә таал бүрдәлһн, иим улсин бәәдл-жирһлин чинр өөдлүлһн болжана. Государственн программд хойр подпрограмм бәәнә. Эннь инвалид улсин бәәдл-жирһлд кергтә таал бүрдәлһн болн социальн обьектмудт инвалид улст боомтг угаһар күрлһнә туст ирлцнһү керг-үүлдврмүд күцәлһнә туск подпрограмм болжана. Иим программ күцәхин төлә арвн һурвн дундур сай арслнг йилһж өггдх. Энүнәс танһчин бюджетас дөрвн сай нәәмн зун далн минһн арслнг орж ирх, бәәрн бюджетмудас нәәмн сай дөрвн зун далн минһн арслнг йилһж өггдхмн. Тер мет внебюджетн көрнгәс хойр зун жирн дөрвн минһн арслнг һарһж өггдх.
