Интернатн учрежденьс дула өглһнә кемд белн болв

Хальмг танһчд бәәх интернатн йисн учрежденьд намрин — үвлин кемд дула өглһнә систем белн болх. Энүнә тускар эндр үвлин кемд социальн болн эрүл-менд халхин учрежденьс белдлһнә төрәр болсн селекторн селвлцәнә йовудт һардачнр иткүлв. Эн көдлмш күцәхин төлә һурвн зун минһн арслнг йилһж өггдв.

Селекторн селвлцәнд танһчин интернатн йисн учрежденя һардачнр орлцв. Энүнд бичкдүд болн көгшн улс бәәршлжәнә.севлцәнд олн төрәр күүндвр болв. Зуг хамгин һол төрнь —үвлин кемд дула өглһнә төрәр тодхра күүндвр кегдв. Хальмгин эрүл-менд харлһна министрин дарук Любовь Джексембекован келсәр, эн жил интернатн учрежденьст һуврн зун арслнг йилһж өггдв. Эднә һардачнрин кесн тооцаһас эн мөнгн нурһлж дула өгдг систем белдлһнд олзлгдв.Келхд, автономн котельн бәәх учрежденьст ода дулан өггджәнә. Баһ Дөрвдәс зәнглсәр, ода дулан өггджәнә.Котельн завср угаһар көдлжәнә. Нидн жил энүнд шин оборудовань углж тәвгдлә.

Любовь Джексембекован келсәр, Элст балһсна социальн учрежденьст бас дулан экләд өггджәнә.Элстин медхтнрин герт болн бичкдүдин герт дула өгдг турвас сольгдв. Сарпинск района Һоожур селәнд бәәх гер-интернатд болхла турвас сольлһна көдлмш шинкн төгсжәнә. Энд шин хәәс хулдж авлһна төр хаһлгдв, оожурин гер-интернатд февраль сард хәәсн эвдрәд, энд күнд бәәдл тогтсн билә. Шин оборудованиг Аһш балһсна специалистнр углж тәвсмн. Болв эднд мана танһчд мөнг өгч чадсн уга. Тегәд үвлин кемд интернатд бәәх улс даарв. Эмчнрин келсәр, олн улс царцад гемнв. Любовь Джексембекован келсәр, эн жил иим йовдл дәкж энд учршго.Тер мт талдан иим учрежденьст цаглань дулан өггдх. Министрин дарук Любовь Джексембекован келсәр, октябрин арвн тавн крүтл цуг котельнс экләд көдлх., оожурин гер-интернатд ясврин көдлмш октябрин арвн күртл төгсх. Октябрин арвн тавнд энд бас дулан өггдх.

Севлцәнә йовудт Һоожурт бәәх гер-интернатын тускар сән зәнг бәәнә.Хойр минһн аврн һурвдгч жилд энд шин немр гер болн хот уудг гер тосхгдх зурата.

Чучян Валентина, Очра Сергей