Ик Буурла школд дөчн дөрвн күн хордв
Ик Буурла школын багшнр болн сурһульчнр эрдм-сурһулин учрежденя столовд хордж. Эмчнрин кесн шинжлтәр, му чинртә хот-хоолар әмтн хордсн бәәж. Ут-тоодан дөчн дөрвн күн эмчнрәс дөн сурв. Сурһулин заведеньд цәәлһсәр, олн-зүсн классмудлын көвүд-күүкд хордж. Школын директор Екатерина Коржуеван келсәр, столовд талдан һазрас хот авч ирнә. Нег хонг болад Роспотребнадзорин көдләчнр багшнр болн сурһульчнр хот уусн школьн столовд эпидемиологическ шинжлт кев. Энд дуту-дундс чиклхин төлә хот кедг предприять хаагдв. Специалистнр хот-хоолыг микробиологическ шинжлт кехин төлә авв. Ик Буурла районд сурһульчнр хордсна йовдлар өдгә цагт прокурормуд бүртклһ кежәнә. Танһчин прокуратур эн йовдлыг онц бүртклһнд авсн бәәнә. Өдгә цагт хот-холын шинжлт вирусологическ болн микробиологическ лабораторьмудт кегджәнә. Энүнә тускар тодрхаһар дарук һарцад хәләж болх.
