Хуучн гермүдәс әмтн шин патьрт нүүж орх
Хуучн гермүдәс әмтн нүүлһнә программар Хальмг танһчд иим гермүдт бәәх улс иргч хойр жилин эргцд шин патьрмудт нүүж орх зөвтә. Ут-тоодан тәвн негн герәс әмтн шин гертмүдт нүүлһхмн. Эннь хөрн негн дөрвлжн метр аһу тогтажана. Тер тоод иим көдлмш Целинн районд бас кегдх.
Целинн районд хуучн нурад унжах гермүдәс нәәмн өрк-бүл шин патьрт орх зөвтә. Эднә төлә олн патьрта хойр шин гер тосхгджана. Эн гермүдиг Хальмг танһчин аһуд бәәх хуучн нурадж унжах гермүдәс әмт нүүлһнә шишлнг программар тосхжана.
Троицкое селәнә муниципальн бүрдәцин толһачин үүл даажах Владимир Болдыревин келсәр, хуучн гермүдин аһу һурвн зун һучн хойр дөрвлжн метр тогтажана. Шин гермүдт ба сиим аһу тосхгдх зөвтә.
Шин гермүд бәрхин төлә ут-тоодан долан сай асрлнг йилһж өггдв. Эн мөнгиг бәәрн болн танһчин бюджетас һарһж өгв. Тер мет ЖКХ-н халх шинрүлһнд дөн күрглһнә сангин мөнгәр государственн дөн күрггджәнә. Фирм-подрядчикин генеральн директорин темдглсәр, шин гермүдт цуг бәәцин таал бәәнә, дотрнь цуг шалдарин болн ширдлһнә көдлмш күцәгдв. Тегәд йилһж өгсн мөнгн әрә гиж күрв.
Тосхачин фирмин генеральн директор Виктор Оконовин келсәр, йилһж өгсн мөнгн дигтә күрв. Ода дала көдлмш үлдсн уга. Цуг тосхлт удл уга төгсх.
Селәнә бәәрн улс шин патрьт нүүж орхар икәр удрлжахш. Эннь бас алнг болжана. Үлгүрнь, жирн доладгч жиләс авн эн герт бәәжәх Виктор Матвеевин келсәр, энүнә герәс холл биш зун метрт экнь бәәнә. Тегәд эк талан йовһар йовж чаджана. Болв шин герт нүүж орхла, хол болад дару-дарунь эк талан иржэ чадшго гиж зовжана.
Виктор Матвеевин келсәр, энд бәәхд таалта болжана. Энүнә герәс зун метрт экнь бәәршлжәнә.
Тер бийнь иим удан жилдән дассн гертән бәәсн Виктор Матвеевд шин бүүрт нүүж орлһн бүкл тууж болжана. Шин герт автономн дула өглһнә систем бәәнә, шин пластикин тер углж тәвгдв, талдан чигон бәәцин таал бүрдәгдв. Шин тосхлтын иннвоационн эв-арһин болн обьектин көдлмшин чинрин тускар тосхачин фирмин ах инженер келж өгв. Тосхлһна фирмин ах инженер Сергей Лиджиевин келсәр, шин гермүдт хамгин сән өдгәц агин некврлә ирлцәтә материалмуд олзлгдв. Документар материалмуд шүүж авгдв. Газ орулгдв, дула өгдг автомат систем бәәнә. Һаза болхла бассейн, туалет тосхгдв.
Троицкое селнәд хуучн әмтн бәәж болшго гиж зуг нег гер илткгдв. Тегәд иим герәс әмт нүүлһнә төр күцц хаһлгдв гиж келж болх. Июлин хөрн тавн күртл нәәмн өрк-бүл шин бүүрт нүүж орх.
Елена Алексенко, Максим Мятежный
