Хар Һазра района Первомайский СПК шин пекарнь эдлврт орулв

Хар Һазра района Первомайский СПК шин пекарнь эдлврт орулв. Нег сардан энд арвн тонн өдмг болһж һарһжана. Шин производств көдлснә хөөн, селәнә әмтн өдмгәр күцц теткгджәнә. Ода селәнә әмтн өдмгиг зурһан арслнгар хулдж авчана. Келхд, шин пекарнь болн энүнд оборудовань хулдж авхин төлә племзавод хоршасн оруһас мөнг йилһж өгв. Шин пекарня көдлмшлә мана үүдәгч баг таньлдв.

Өдмг болһач Виктор Бурилов хамгин аммта болн сән чинртә өдмг болһдг дасж авв. Ода өдмг болһдг шин оборудованиг бахмжтаһар үзүлжәнә. Иим беш газар, соляркар болн электрокүчәр көдлнә. Өдгә цагин некврлә ирлцжәх беш көдләчнрт сән дөн болжана. Электрокүч болн газ әрвнәр олзлна, энүг залхд амр болн экологин чигн халхар әәмшг учрахш. СНХ Виктор Буриловин келсәр, нег частан зун хөрн буханк өдмг болһж авнавидн. Нег бешт өдмг болһж авхла, тәвн арслн газ олзлгдна. Урднь тавн зун — нег минһн арслнг һардг бәәсмн. Ода хойр бешт өдмг болһж авнавидн. Эн кемжән селәнә улст күрчәнә.

Келхд, энд өдмг шин эв-арһар болһж авгдна. Тегәд эднә болһсн өдмг сән амтта болн канксн үнртә. Эдл-ахун көдләчнр эврәннь һарарн һуйр зуурдг машин, һуйр севглдг аппарат, шишлнг шкаф цуглулж тәвсмн. Лайф иим реле бәәнә, халуна кемжә бүрткж болх. Зуурсн һуйр ахр болзгт дөчн минутын эргцд өснә. Урднь хойр-һурвн частан болһдг биләвидн.

Келхд, энд өдмг болһсн деер, эврә шин теерм бәәнә. Бәәрн эдл-ахун урһаж авсн сән чинртә буудяһас һуйр теермдж, өдмг болһна. лайф мельница

Эврә пекарнь көдлснәс иштә, Первомайский СПК-н көдләчнр өдрт һурв дәкж өдмгәр теткгджәнә. Экономист Нүдлә Джусубалиеван келсәр, ут-тоодан шин пекарня оборудовань хулдж авхин төлә тавн зун хөрн минһн арслнг һарв.

Өдгә цагт сардан шини пекарнь арвн тонн өдмг болһж һарһна. Иргчдән производствин кемжәг хойр холванд икдүлх зура бәәнә. Удл уга селәнә улст олн-зүсн өдмгин зүүтә хот-хол кеж һарһгдх. Тер тоолд цаһан һуйрин, хар һуйрин өдмг болһх зура бәәнә. Тегәд Адг селәнә әмтн сән чинртә өдмгәр болн өдмгин зүүтә хот-хоолар теткгдхмн.