Хальмгт экономическ программ күцәлһнә төлә мөнгн йилһж өггдв
Һурвн ик программ күцәхин төлә мана танһчд нег жува арслнг йилһж өггдхмн. Хальмг танһчин аһуд цевр тәрә темс урһадг өдгә цагин некврлә ирлцәтә тепличн комплекс, Лаганя болн Хар Һазра райодт заһсна жирмәхә өскдг питомник болн Городовиковск РМО-д шовуна фабрик тосхлһна төлә иим мөнг Әрәсән промышленникүдин болн арһлачнрин ниицән йилһж өгхмн.
Цуг белдсн проектмудас Халмьгин Толһач Алексей Орлов һурвн проект шүүж авсн билә. Дигтә эн һурвн проектмүд манна хальмг танһчд туста болх зөвтә. Эн проектмүд эврә көдлмшән эклхлә эн туст көдлмш уга үлдсн улс көдлмшәр теткгдх. Заһсн өсклһнә питомник эндр өдр заһсар хальмг танһчиг теткх. Эндр өдр хальмг танһчин улс талдан регионмудас мах хулдж авлгн манна һазрт өскссн такан мах хулдж авх. Теплицмүдт урһжах зер земш әмтн бас хураж хулдж авч чадх. Талдан регионмудас хот холл хулдж авхд йир үнтә болжана, мана һазрт урһцсн продукц йир кимд болх.
Сергей Нестеровин келсәр, эндр өдр хальмгин арһлачнрмудын белдсн проект әрәсән правительствн депутатнд хәләжәнә. Эн туст нег жува арслн йилһгдж өггджәнә. Заһсн өсклһнә, теплиц, така өсклһнә фабрик эн проектар тосһх саната.
Арһлач Иван Кускеев тепличн комплексин зура жюрин гешүдт белдж үзүлв. Эн темплицд болхла бүкл жилдән әер земш урһаж идж болжана. Эн теплиц Троицкое селәнә захд тосһх зуралгджана. Эн теплиц голандск технологиях тосһгдх. Энүнд урһсн зер земш химическ эвр арһ угаһар урһагдх. Аһарин кемжән болн зер земш услулһн автоматическ системар кегдх.
Арһлач Иван Кускеевин келсәр, жил болһн хойр минһн тонн продукц талдан регионмудас авч ирнә, эндр өдр тиим теплиц тосгдхла бидн химика дугаһад идх чадхивидн.
Тиим өдгә цагин некрлә ирлцәтә темплиц тосһх хойр зун сай арслн кергтә. Адамч, хаяр, олн зүсн ноһан эн теплицд хамгин турунд суулһгдх.
Арһлач Иван Кускеевин келсәр, үлдсн продукцар бидн консерв болн адамчас шүүс кех санатавидн.
Әрәсән арһлачнр эн жилин декабрь сард мөнгән йилһж өгх. Заһс жирмәхә өскдг завод болн така өскдг фабрик хойр минһн арвн һурвдгч жилд эклж тосггдх.
Гольдина Ирина, Очра Сергей
