Хальмгин зун тәвн оют зунын кемд оютнрин отрядмудт көдлв
Целинн района “Сайгачонок” нертә бичкдүдин лагерьт «Ключи от лета» нертә Хальмгин оютнрин отрядмудын фестиваль болв. Эн керг-үүлдвр зунын күч-көлснә кампаня ашт нерәдгдв. Фестивальд Башантинск аграрн колледжин, педагогическ болн медицинск колледжмудын, «Солнг» нертә организацин элчнр орлцв. Команд болһн эврәннь коллективин тускар келж өгв, күцәмжин фотоһәәхүл үзүлв, дартсин, армрестлингин, волейбольн, арһмж татлһна болн талдан чигн спортын марһаст чидлән сөрв.
Тогтсн авьясар оютнрин отрядын көдлмшиг һаза, цевр аһарт чилгр өдрмүдт бүрдәж давулгдв. Баһчуд фестивальд дурлж орлцна, нег үлү товчлгч керг-үүлдврт эдн дәкнәс хамдан көдлжәсн улсла харһад күүндв. Фестивалин программар көвдү-күүкдин төлә төгрг ширән сүүр болв. Энүнд баһчуд иргч жирһлин хаалһин тускар болн шүүж авсн эрдмин тускар тодрха күүндвр кев. Педагогическ колледжин оют Владимир Чевдюевин келсәр.
Эн керг-үүлдвриг танһчин баһчудын, спортын болн туризмин министерств бүрдәж давулв. Фестивалин гиичнр баһчудла эврәннь тодлврмударн хувалцв. Олн — әмтнә хуралд танһчин толһачин элч Эртне Бакаевин тодлсар.
Эн зунар Әрәсән баһчудын ниицәнә хальмгин организацин зун тәвн күн көдләд, мөнг олж чадв. Тер мет эдн авсн медрлән олзлв, Краснодарск крайд, Кабардино-Балкарьт болн Анапа балһснд амрад, цогц-махмудан батрулв. Медицинск колледжин оютн Дарья Деликован келсәр.
Зунын кемд көдлснә хөөн, оютнрин отрядын гешүд шишлнг темдгүд авв, эднд ик ханлт өргв. Фестивль байрин бәәдлд хаалһна керг-үүлдврт баһчуд эврәннь үүдәгч билгән үзүлв, олн-зүсн марһаст чидлән сөрв. Тер мет көвдү-күүкд эврәннь бәрсн күцәмжин фотозургудын һәәхүл белдв, дартсин, армрестлингин, волейбольн, арһмж татлһна болн талдан чигн спортын марһаст дииләчән йилһв. Фестивалин һол күцлнь — хальмг танһчд оютнрин отрядмудын жисәг делгрүлһн болжана.
Аджин Светлана, Колдан Церн
