Хальмгин университетин оют Баатр Каруев греко-римск янзар бөк бәрлдлһнә Әрәсән чемпионатд диилвр бәрв
Хальмгин университетин хойрдгч курсын оют Баатр Каруев Санкт-Петербург балһснд оютнр дунд болсн греко-римск янзар бөк бәрлдлһнә Әрәсән чемпионатд диилвр бәрв. Мана танһчин бөк тәвн тавн килограммин чиннүрт ноолдад, һурвн спортсмениг диилв. Мана бөк Баатр Каруев алтн медаляр, дипломар болн үнтә мөрәһәр ачлгдв. Баатр Каруев нег минһн йисн зун йирн хордгч жилд төрв, ода Әрәсән спортын мастер, Хальмгин университетин спортын әнгд сурчана. Классическ бөк бәрдлһнә спортар зурһан настаһасн авн соньмсв. Ода болхла Европин чемпионатд орлцх күцл тәвжәнә. Энүнә төлә иргч жилин март сард Өмн үзгин федеральн округин марһанд диилвр бәрх кергтә, хөөннь Владимир болн Москва балһсдт болх дөрлдәнд түрүн орм эзлх күцл бәәнә. Энүнә тренерин тоолврар, эн марһаст диилвр бәрхлә, Европин болн нарта-делкән дөрлдәнд орлцж чадх. Хальмгин деед сурһулин спортын әнгин цуг гилтә оютнр спортын мастерин цолта, эдн цугтан чанһ-чиирг, ик дамшлт хоршав.
