8 июля, 15:22
 35 °C
80,41
71,24
  • МЫ ВМЕСТЕ 2020
  • АВТОНОМИЯ4
  • ВЕСТИ
  • АВТОНОМИЯ 100 ЛЕТ
  • АВТОНОМИЯ2
  • АВТОНОМИЯ3
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Хальмгин университетд бичкдүдин зуна лагерьт китд кел дасхжана

Хальмгин государственн университетин улд Конфуцин институтын Китдин келнә лагерь секгдв. Бүрдәһәчнрин келсәр, энд көвүд-күүкд зунын амрлһна кемд сул цаган олз-тустаһар болн сергмжтәһәр давулсн деерән, Китдин кел болн сойл дасж авх арһ учрв. Шин бүрдәцин һардачнр талдан чигн керг-үүлдвр күцәх зурата.

Бичкдүдиг соньн болн ик олз-туста программ күләжәнә гиж лагериг байрин бәәдлд секлһнә йовудт келгдв. Нааран ирсн көвүд-күүкд болһн олн-зүсн марһаст болн дөрлдәнд орлцад, эврәннь билг-эрдмән үзүлж чадх. Онц келхд, зәрм сурһульчнр китдин келнә иероглиф меднә. Лагерьт болхла эдн медрлән гүүдүлж чаджана. Тер тоод Көтчнрә районас ирсн арвн һурвн наста Иляна Бураева шин медрл шингәж авчана. Китдин кел арднь орад дасх саната. Иляна Бураеван келсәр, иим лагерьт одх дурн күрв. Талын кел болн сойл дасх күцл бәәнә, чикәр күүндх дасж авх кергтә. Ода дигтә эн эрдм дасжанавидн гиж Иляна келнә.

Зунын лагерьт нәәмн настаһас авн арвн дөрвн наста һучн сурһульч амрчана. Конфуцин институтын директорин келсәр, хамгин түрүнд бичкдүдиг китдин сойлла болн келнлә өөрхн таньлдулх кергтә. Ода деерән китд келәр цөн үг келх дасж авхла сән болх.

Энд болдг кичәлмүдт сурһульчнр иероглиф бичх дасжана, китд келәр чикәр келх эрдм авчана. Ода көвүд-күүкд иероглиф бичхдән йир дурта. Китдин орн-нутгт одх санан бәәнә. Тенд туужлгч орм хәләх, киитд келәр күүндх зурата. Талдан һазрт одх дурн күрнә. Китд келәр менд гисн үг меднәв, би чамд дуртав гисн үгмүд бас дасч авч. Китдин орн-нутгт сән техник кедгинь меднә.

Китдин кел болн сойл дассн сурһулин цаас көвдү-күүкд аштнь авхмн. Хальмгин государственн университетин ректор Бадм Салаевин келсәр, лагерь бичкдүдт таасгдх. Энүнә хөөн Китдин орн-нутгт одх дүрн күрхнь лавта. Тенд сурһульчнр алдр Китдин эрс, Олимпийск комплекс, Зунын бәәшнг үзж болх. Салаевин келсәр, хамгин түрүнд институтын үүлдврин һол күцлнь — нарта-делкәд мана танһчин деед сурһулин чинр өөдлүлһнә төр болжана.

Иргч жилд көвүд-күүкд китдин келн-улсин хот-хол кедг эрдмин нуувчин тускар медж авхмн. Тер мет шишлнг модн савхар хот иддг эрдм эднд соньн болх. Дәкәд болхла, медәтә улст энд китдин гимнастик заах зура бәәнә.

Ээнән Делгр, Колдан Церн

 Вступайте в нашу группу Вконтакте!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия