Хальмгин уйн наста боксермуд сән үзмж бәрв

Санкт-Петербург балһснд болн нарта-делкән марһанд Хальмг танһчин уйн наста боксермуд призермудын тоод орв. Энд нарта-делкән чемпион Николай Валуевин мөрән төлә тавдчг марһан болв. Ик чинртә турнирт Хальмг танһчин нер Лаганск района Красинское селәнә школын тренер Владимир Сангаджиевин сурһульчнр харсв. Тавн жилин туршарт Санкт-Петербург балһснд эн марһанд Әрәсән болн һазадын ордудын тәвн зун бичкн спортсмен дөрлдв. Эн жил диилвр бәрхин төлә Санкт-Петербург балһсна, Новгородск, Мурманск, Самарск, Ульяновск областьмудын, Украина, Казахстана болн Эстоня элчнр чидлән сөрв. Эдн арвн дөрвн чиннүрин категорьт дииләчән йилһв. Аштнь Владислав Сангаджиев цаһан мөнгн медаль шүүж авв, Баснг Манджиев болхла күрл мөнгн медаляр ачлгдв.