Хальмгин льготникүд социальн туслмжин ормд мөнг авхар шиидв
Хальмг танһчин льготникүдин найн процентнь иргч жилд социальн туслмжин ормд мөнг авх саната. Социальн туслжм авх танһчин һучн минһн күүнәс хөрн дөрвнь энүнә ормд мөнг авхар шиидв. Нидн жил мөнг авх улсин то баһ бәәсмн. Социальн туслжм авшго эрлһ хөрн негн минһн күн бичсн билә. Специалистнрин тоолврар, иим бәәдл ода цуг Әрәсәд тогтв. Эн жил цуг Әрәсәһәр данцалһна мөнг льготникүдин жирн нәәмнь процентнь авчана. Пенсионермуд иим мөнг авчахнь бас учрта, медәтә улс оруһан икдүлх саната, тер мет кергтә эм эднд өнгәр өггджәхш. Дәкәд нег тодлад келхлә, социальн туслжм һурвн әнгәс тогтна. Эннь тавн зун далн нәәмн арслнга эм авх зөвтә, санаторн-курортн путевкин найн йисн арслнг болн эмнүлһнә һазрт төмр хаалһар йовлһна билетин найн һурвн арслнг мөнгн орна. Ут-тоодан социальн туслмж долан зун тәвн арслнг найн һурвн деншг тогтажана.
