Хальмг тохма мал өскдг эдл-ахусин ниицәнә сьезд болв

Эндр Элст балһснд хальмг тохма мал өскдг эдл-ахусин келн-улсин ниицәнә дөрвдгч сьезд болв. Энүнд Әрәсән регионмудын болн Казахстана специалистнр, номтнр, министерствсин болн ведомствсин элчнр орлцв. Сьездин һол төрнь — махна мал өсклһнә делгрлтин төрмүдәр тодрха күүндвр болв. Энүнд давсн жилин көдлмшин аш диглгдв, иргч жилин зура темдглж авгдв. Ниицәнә генеральн директор “Фоат” Каюмовин келсәр, тооцана цагт организацин орлцачнрин то өсв. Ода энүнә ханьд дөчн һурвн тохма мал өскдг негдлт оржана. Эннь хальмг тохма бод мал Әрәсәд ик ччинр зүүжәхин темдг болжана гиж Каюмов темдглв. Ода Әрәсәд тохма зун жирн минһн толһа мал бәәнә. Хальмг тохма мал өскдг эдл-ахусд ода чигн кеж-күцәх көдлмш дала. Иим малын чинриг яһж ясрулхин тускар делегатнр номтнрла хамдан күүндв. Эн туст шин инновационн эв-арһ олзлх кергтә. Тиигхлә тохма мал өсклһнә халх делгрлт авх гиж сүүрт келгдв.