Хальмг танһчин әмтнд Кубанин улст дөн күргжәнә

Тер саамд гуманитарн дөн цаарандан цуглугджана. Дәкәд нег тодлад келхлә, Элст балһснд региональн штаб көдлжәнә. Энүнә пунктумд танһчин цуг райодт бәәнә. Эдн улст социальн дөн күрглһнә цутхлнгудын улд үүлджәнә. Буйнч седклин керг-үүлдврт орлцх әмтнә то өдр ирвәс өсәд йовна. Ода әмтн хувц-хунр, талдан чигн улст кергтә тоот авч ирж өгчәнә. Мөнгнә тәвц орулж саната улс иим расчетн тойгар дөн күргж чаджана. Энүнә тойгинь тадн эврәннь телеэкранд үзжәнәт. Тер мет иим расчетн счет Вести-Калмыкия точка ру нертә мана сайтд бас бәәнә. Дәкәд болхла, Әрәсән поштын цуг әнгүдәр дамжулад, усна аюлд харһсн әмтнд посылк болн мөнг йовулж болх. Мөнгиг бачм чинртә йовдлмудын төрәр үүлджәх Красндарск министерствин счетд йовулж болжана.