Хальмг танһчин толһач Алексей Орлов Садовое селәнд бичкдүдин сад секлһнә байрт орлцв
Хальмг танһчин толһач Алексей Орлов көдлмшин кергәр Сарпинск районд хойр өдрәр одсн бәәнә.
Эндр Садовое селәнд дошкольн шин учреждень секлһнә байрт Алексей Орлов орлцв. Хуучн гериг тосхачнр шинрүлж ясв. Бичкдүдин садт найн көвүд-күүкд орх. Эднд танһчин һардач келн-улсин хувц белглх үгән өгв. Района поликлиникд болсн харһлтын йовудт хальмгин ахлач селәнә фельдшерск пунктмудын көдлмшин тускар келв. Ода иим бичкн эмнүлин учрежденьс күнд бәәдлд тусв. , урвн сард нег дәкж района больницин эмчнр хол селәдт одад, әмтнд дөн күргх зөвтә гиж Орлов темдглв.
Марһана комиссин шиидврәр, олн-әмтнә хуралын көдлмшин
тускар хамгин сәәнәр зәнглсн электронн болн барин олнд зәнглһнә эв-арһсин журналистнр йилһгдв. Тер тоод «Калмыкия» нертә ГТРК йовна. Хуралын ахлач Анатолий Козачко журналистнрт күндлһнә һашгуд бәрүлж өгәд, хамцу көдлмш кеснд ханлтан өргв.
Эндр Элст балһснд йовһн улсин цугәрәсән рейд болв.
Ноябрин нег шинәс авн зәрм регионмудт «Охота на зебру» нертә керг-үүлдвр эклв. Энүнә йовудт йовһн улст әәмшгтә хаалһс илткгджәнә. Иим керг-үүлдвр Әрәсән хөрн областьд болжана. Эн рейдын йовудт йовһн улст машид әәмшг учражах хаалһс илткж авгдх. Тер мет олна организацсин элчнр сүл жилмүдт йовһн улс орлцата хаалһд учрсн зеткртә йовдлмудын то диглж авх.
