Хальмг танһчин баһ наста каратистнр сән үзмж бәрв
Хальмг танһчин баһ наста спортсменмүд каратэ эв-арһар бөк бәрлдлһнә марһанд орлцад, сән үзмж бәрв. Тер тоод Александр Абушинов, Данил Цеденов болн Александра Лиджиева эдн алтн, цаһан болн күрл мөнгнә медальмуд шүүж авв.
Зандерсдорф балһснд болсн каратэ наадна марһанд Лижин Александра Шотландия орн нутгин спортментклә дөрлдәд һурдвгч орм авсн билә. Цеднә Данил арвн дөрлдәнд орлцажд цаһан мөнгнә медаль шүүж авв. Абушина Александр йилһән сәәнәр бийән эн марһанд үзүлсн билә гиж тренер Манжин Очир келв. Тренерин келсәр зунын цагла цуг күүкд амрсн билә, мана баһ наста спорстменмүд болхла өдр болһн тренировкдан цаган давулла.
Целинн района Троицкое гимназин сурһульч Лижин Александра дамшлта спортсмен. Европин чемпионатд Александра тавн дөрлдәнәс дөрвнь диилвр бәрв.
Ик урдаснь белдвр кеһәд мана баһ наста спортсменмүд һазадын орн нутгудт бийән күчтә кевәр үзүлсн билә. Төрскн һазртан эдниг эк эцкнь болн өөрхн элгн зальврад күләсмн.
Тренерин келсәр ик чинртә марһанд орлцсна хөөн амрллһнадан һарх. Болв август сарин нег шинд эдн тренировкдан һарх зөвтә. Өдгә цагт баһ наста спортсменмүдт тренеровкан давулх бәәрн уга болжана. Тегәд мана баһ наста спортсменмүд иргчдән кесг марһаст нүүрлгч орм эзләд Хальмг Танһчин нер түүрүлж йовхиг дурджанавидн. Эн намрар хальмгин билгтнр каратә наадна нарт делкән чемпионатд орлцх.
Аджин Светлана, Колдан Церн
