Хальмг танһчд Очра Номтын зун хөрн тавн жилин өөн темдглгджәнә
Эн өдрмүдт Хальмг танһчд нертә номт болн гегәрлгч Очра Номтын зун хөрн тавн жилин өөн темдглгджәнә. Нег минһн нәәмн зун найн зурһадгч жилин октябрин арвнд Довукина Очрин өрк-бүлд көвүн төрв. Эн көвүнә нерн Хальмг Танһчин туужд хамгин билгтә номт болж орв.
Ода сурһульчнрт хальмгин нертә номт, этнограф, гегәрлгч болн олна үүлдәч Очра Номтын тускар келж өгхш. Билгтә номт болн төрскндән хару седвәрч күн Ээлән Овлаһас хальмг улсин алдр Жанһр дуулврин арвн ду бичж авад, Жанһриг иргч үйнрт хадһлж өгсмн.
Давсн зун жилин эклцәр Санкт-Петербуриг университетин оют билгтә жаһрч Ээлән Овлаһас Жанһр бичж авсмн. Ода алдр дуулвр мана келн-улсин йоста бахмж болжана. Жанһрин арвн ду, Әәдрхнә хальмгудын амн үгин урн зөөр бичж авла, хальмгин өдгәц агин алфавит тогтав, Өөрдин зәнг нертә хальмг танһчин түрүн газет бүрдәж барас һарһсмн. Тер мет Очра номт олна нертә үүлдәч болж мана танһчин туужд үлдв. Дөвр дәкж бәрәнд бәәв.
Элстин арвдгч школын ах классмудын сурһульчнрт Очра Номтын тускар кесн кичәл соньн болсн деерән, шин медрл өгв. Жирһлин адрута хаалһд батрсн күн гиж бүрдәһэчнр эн кичәлиг нерәдв. Арвдгч школын арвн негдгч классин сурһульч Заяна Бюрнаеван келсәр, дорас өсж баһчуд иим алдвр күүнә тускар медх зөвтә. хальмгин әмтн энүнә нериг мартлго, үлдәсн зөөринь шинжлж олзлх гиж Заяна келнә.
Ода Санкт-Петербург балһснд Очра Номтын түрүн үүдхврмүд хадһлгджана. Хальмг һазртан энкр үрн, билгтә номт мана келн-улсин туужд эврә орман эзлж, төрскн келнә, сойлын делгрлтд ик тәвцән орулв. Энүнә нерн мана санлд мөнкинд үлдх.
Хавтхна Элла, Очра Сергей
