Хальмг көгжмчнр һурвдгч нарт делкән «Осенняя соната» нерәдлһтә маараһна дипломантр болв

Элст балсһна 1-гч тойгта бичкдүдин көгжмин школын сурһульчнр һурвдгч нарт делкән «осенняя соната»нерәдлһтә маараһна дипломантр болв. Эн марһан Әәдрхн балһснд давв. Хальмг билгтнр жүрин гешүдт хальмгин болн һазадын орн нутгудын композитормудын үүдәврмүд үзүлв.

Хальмгин композитор Петр чонкушовин харада нертә ду жүрин гешүдт йир таасгдв. Эн дууг седклән өгч баһ наста көвүн һәрән чингиз дуулв. Көгжм нерәдлһтә номинацд ут тоодан тәвн күн марһлдв. Баһ наста көвүнә дуулсн ду жүрин гүшүдин болн заалд цуглурсн әмтнә чикнә хужр хангав. Бичкн цагасн авн чингиз хучир зевсг татна. Көгжмин училишд көвүг үр көвүнь авч ирв.

Эн марһанд орлцхар би ик урдаснь белдвр кесн биләв. Хамгин түрүнд би эврәннь багшнртан ханлт өргжәнәв тер юнгад гихлх эдн намаг сән кевәр дөөнв.

Арвн нәәмн наста Эмина Яна түрүн болж тиим ик марһанд орлцжана. Көгжмин училишж күүкн хойр сар хооран ирсн билә.Эн марһанд күүкн һарвндгч орм эзлв. Осення соната марһанд баһ наста күүкн яна цаган сар болн аллегретто нертә үүдәврмүд үзүлсн билә. Хальмгин көвүд күүкдин билг эрдмиг жүрин гешүд болн ирсн улс өөдән үнслн билә.

Хальмг танһчин негдгч тойгта бичкдүдин көгжмин школын директорин дарук Каран Инган келсәр ирсн улст хальмг зевсгүд таасгдв. Би ик байрта бәәнәв тер юнгад гихлә мана көвүд күүкд иим ик чинртә марһанд орлцч чадв.

Бичкдүдин төлә бүрдәж давулгджах марһас бичкдүдин билг эрдм өөдүлнә. хальмг танһчин негдгч тойгта бичкдүдинкөгжмин школын көвүд күүкд жил болһн олн зүсн марһаст орлцад төрскн училишин нериг туурулна.

Эн жилин сурһулин жилән бидн сәәнәр эклвидн. Цөн сар давв чигн мана көвүд күүкд олн зүсн марһаст оролцж чадв-гиж көгжмин школын директор ээнән галина келж өгв.

Тиим марһасмудт көвүд күүкд орлцхларн шүүвр өгнәҺдассн үүдәвмүдән билг эрдмән үзүлнә. олн зүсн марһст диилв бәрсн көвүд күүкд цаарандь әрәсән көгжмин училишд орад нертә артистнр болж һарна.Хальмг танһчиннь көгжмин школлынннь нер туурулж йовна.

Ээнән Ольга, Колдан Церн