Эрүл-менд халхин тускар төгрг ширән сүүр болв
Танһчин эрүл-менд харлһна министерствин, олна организацсин болн инвалидмудын ниицәнә элчнр төгрг ширән сүүрт эрүл-менд харлһна халх шинрүлһнә төрәр тодрха күүндвр кев. Эрүл-менд нертә келн-улсин программ хойр минһн зурһадгч жиләс авн экләд күцәгдсмн. Эн жилмүдин эргцд эн халхар сән хүврлт кегдв. Тер бийнь халһх төрмүд ода чигн дала.
Эрүл-менд харлһан халхд шниүрлт кергтә. Иим төзрәр төгрг ширән сүүрин орлцачнр күүндвр кев. Күүндврт танһчин эрүл-менд харлһна министерствин, олна организацсин элчнр орлцв. Хальмгин эрүл-менд харлһна министрин дарук Виктор Маньшин эн халхин шинрүлһнә аш диглв. Энүнә келсәр, эрүл-менд харлһна халх шинрүлһнә программ хойр-һурвн жил хооран эклсн уга. Иим хүврлт хойр минһн зурһадгч жилд эрүл-менд нертә келн-улсин программ эклснәс авн күцәгдв. Шин программин дөнгәр хурц төрмүд экләд хаһлгдв. Тиигхд участкин церглт батрулж болв, энүнә төлә ирлцнһү оборудовань, лабораторь болн бачм чинртә медиццинск дөн күргдг машиж йовулгдв.
Дәкәд нег шин кергнь — төрлһнә сертификат өггдв. Болв хамгин ик хүврлт танһчин эрүл-менд харлһна халх шинрпүлһнә программар кегджәнә. Эн жилмүдин эргцд мана танһчд нег жува арлснг олзлгдв. шин медицинск цутхлнгуд, тер тоод перинатальн цутхлнг секгдв. Төгрг ширән сүүрт болсн күүндврт орлцсн улсин келсәр, иим сән хүврлт болсн бийнь, ода эн халхд хаһлх төрмүд дала. Энүнд эдн һол оньган тусхав.
Үлгүрнь, инвалидмудын цугәрәсән ниицәнә олна организацин элчнр реабилитационн цутхлнг секх төр босхв. Элст балһсна поликлиникин эмчнр болхла эмчнр дутжахин утскар келв. Медицинск халхин көдләчнрт жалвинь немсн бийнь, поликлиникин ахә эмчин келсәр, специалистнр талдан регионмудт көдлхдән дурлжана. Тенд көдлмшин таал сән бәәдлтә. Төгрг шиүрән сүүрт хәләгдсн цуг төрмүдиг энүнд орлцачнрин тоолврар, федеральн болн региональн программст оурлх кергтә.
Чучян Валентина, Бадмаран Владислав
