Эндр Әрәсән номин эрдмин сән өдр

Эндр Әрәсән номин эрдмин сән өдр. Элст балһснд эн өдрт нерәдгдсн байрин хург болв. Энүнә йовудт билгтә номтнриг, олн-зүсн марһасин дииләчнриг болн призермудыг ачлв. Тер тоод сурһульчнрин, оютнрин болн баһ наста номтнрин танһчин түрүн фестивалин дииләчнр бас мөрәлгдв. Баһ наста билгтнрин номин шинжлтын көдлмш номтнрин медрл көдлмштән олзлжах әмтнд олз-туста болх. Дәкәд болхла, школд юридическ номин медрл дасжах бичкдүдт «Өдгә цагин Чичиковихн» нертә төсвлә таньлдхд соньн болх. Хальмгин университетин багш Саглр Эдееван тоолврар, мал өсклһнә халхар чон яр иддг аһрус шинжләд, малын геснә гем эдгәдг эм һарһж авх төр тәвгджәнә. Хургин йовудт хальмг танһчин толдюач Алексей Орлов Хальмгин цуг номтнриг йөрәһәв.