Эндр “Ростелекомин» хальмгин филиал давжах жилин көдлмшин аш диглв
Эндр «Ростелекомин» хальмгин филиал давжах жилин көдлмшин аш диглв. Өдгә цагт широкополсн интернет тархалһна зөрүлт хамгин һол керг болжана. Ода энүг Элст балһснд, Үстин, Лаганск болн Целинн райодт арвн хойр минһн күн олзлжана. Эн жилин эргцд эднә то далн процентд өсв. Эн үзмж цаарандан чигн өсхин төлә ода компань көдлжәнә. Хойр минһн арвн хойрдгч жилд Элст-Көвүд-Зунда-Толһа-Ик-Буурл күртл волоконн оптическ залһлда татх зура бәәнә. Тер мет иим залһлдан Целинн районд цаарандан кегдх. Иргчдән IP TV болн телепрограммин өнгәр өгдг пакет бас олзлгдх зурата. Харһлтын ашт Элтс балһсна бәәрн күн Владимир Гермашевд компаня ахлач Арлснг Корняков нег жилдән интернетар өнгәр көдлх документ байрин бәәдлд бәрүлж өгв. Эн күн мана танһчд широкополсн интернет олзлжах тооһарн өөнин абонент болж һарв.
