Эндр Элст балһсна көгшәд Әрәсән президентин йөрәлин бичг өггдв

Эндр күндтә көгшә Альвина Романовна Алкснэд Әрәсән президентин йөрәлин бичг байрин бәәдлд бәрүлж өггдв. Эндр дигтә йирн нас зүүв. Красноярск крайин Нижняя Буланка селәнд төрсмн. Болв насни туршарт Хальмг танһчд бәәжәнә. Йөрәлин бичг энүнд федеральн инспектор бәрүлж өгәд, халунар һарсн өдрләнь йөрәв. Владимир Путина бичгиг Альвина Романовна кесг дәкж байрлад умшв. Төрскән харсгч дәәнд цус-махан асхсн улст ик ханлт өргжәнәвидн гисн үгмүдт онц оньг көгшә тусхав. Күндтә медәтиг өнчта өөнләнь йөрәхәр Челябинск областяс энүнә дү күүкднь ирж. Тер мет Элст балһсна мэрийн элчнр Альвина Алкснэд белгүд болн цецгүд бәрүлж өгч бас йөрәв. Байрин ширә эргәд суусн улст күндтә ветеран жирһлиннь ут хаалһин тускар келж өгәд, тодлврмударн хувалцв.