Элстин сурһульчнр зунын амрлһна кемд көдлжәнә

Элст балһсна сурһульчнр энкр школдан тус күргж, зунын амрлһна цагт мөнг олж авхмн. Эдн вожатый, школьн столовд, библиотекмудт болн ясврин бригадмудт көдләчнр болж көдлж чаджана.

Валерия Альчинова нәәмн класс төгсәв. Эн жил зунын амрлһна кемиг олз-тустаһар давулхар шиидв. Тегәд чигн школьн библиотект көдлжәнә. Энүнә өмн хойр жилдән энүнә ахн Антон школьн ясврин бригад яһж көдлжәхинь шинжлв.

Элстин һурвдгч школын йисдгч классин сурһуль Валерий Альчинован келсәр, эврәннь ахин көдлмш хәләхд соньн болв. Тегәд эврән көдлхәр шиидв. Эн жил түрүн жил болж көдлжәнә. Көдлмшән сәәнәр кех кергтә.

Элст балһсна һурвдгч школын директорин дарук Александр Ким келсәр, зунын амрлһан цагт көдлх саната сурһульчнрин то дегд ик болна. Болв жирһлин күнд бәәдлд туссн көвүд-күүкдиг хамгин түрүнд көдлмшт авна.

Элст балһсна һурвдгч школын директорин дарук Александр Ким келсәр, эн жил көдлмшт орх бичкдүдин то дегд ик болв. Зәрм сурһульчнриг көдлмшт авсн угавидн. Зунын кемд эдн сән жалв авна. Арвн негн өдр көдләд һурвн дундур минһн арлснг авна. Бичкдүд хойр частан көдлнә. Арвн дөрвн нас күрсн баһчуд өдртән дөрвн частан көдлж чадх.

Ода зунын кемд сурһульчнр школьн ясврин бригадмудт, библиотекмудт, школьн столовд болн өдрә лагерьмудт вожатый болж көдлжәнә. Ут-тоодан көвүд күүкд өдртән хойр эс гиж дөрвн частан арвн негн хонгтан көдлнә.

Зунын амрлһна цагт школмудт Элст балһсна нег минһн сурһульч мөнг олж чадх. Эднәс нәәмн зун тәвн көвүн-күүкн эрдм-сурһулин заллтин нилчәр көдлмшт орв, зун дөчн сурһульч баһчудын, туризмин болн спортын комитетин дөнгәр көдлжәнә. Энүнә төлә мөнг муниципальн бюджетас болн улсиг көдлмшәр тетклһнә цутхлнг йилһж өгчәнә.

Тер мет хотл балһсна сурһульчнр зунын кемд олн-зүсн кафед, машина тосн-түләнә станцд болн талдан чигн эзнә компаньст көдлжәнә. Зуг тенд харм төрхд күч-көлснә закан күцәгдхш. Көвүд-күүкдин келсәр, зунын кемд школдан көдлхлә, мөнг олсн деерән, хамдан сурчах сурһульчнрла хәрлцә батрулж болх. Эн күүкнә давсн жилд вожатый болж көдлж. Көдлмш таасгдв. Эн жил бас көдлхәр шиидв. Зунын амрлһна цагиг бичкдүдлә давулхла сән болна. Эн көвүнә темдглсәр, арвн дөрвн нас күрсн көвүд-күүкд көдлх зөвтә. Өсхләрн яһж мөнг олдгинь медх.

Дав зуур сурһульчнриг көдлмшәр тетклһнә төрәр эрдм-сурһулин заллт кесг жилдән көдлжәнә. Эзнә компаньсла дүнцүлхлә, заллтин нилчәр көдлмшт орсн бичкдүд күч-көлснә закаһар көдлж мөнг авхмн.

Елена Алексенко, Котина Валерий, Ирчин Алексей