Элстин ах классин сурһульчнр цугәрәсән марһанд орлцад, түрүн орм эзлв

Элст балһсна хөрн негдгч тойгта школын арвн негдгч классин сурһульчнр «Я — гражданин России» нертә социальн төсвин цугәрәсән керг-үүлдврт орлцад, түрүн орм эзлв. Энүнд Әрәсән хөрн команд ирж дөрлдв. Сохр Кристина күүкнд дөн болхин төлә «Пусть Кристина увидит свет» нертә программ «Йилһән сән төсв» нертә номинацд диилвр бәрв. Марһана ашар эдн Әрәсән Президент Дмитрий Медведевин мөрә жирн минһн арслнгар ачлгдв. Эн керг-үүлдвр Самара балһснд болв. Эн балһсн мана орн-нутгин социальн хотл балһсн гиж тоолгдна. Диилвр бәрхин төлә Элстин сурһульчнр ик көдлмш күцәв. Түрүләд эдн хотл балһсна марһанд орлцла, энүнә хөөн танһчин дөрлдәнд хойрдгч орм эзлсмн. Энүнә ашар эдн цугәрәсән керг-үүлдврт орлцх зөв авла.