Элстд хаалһс шинрүлж ясгдх
Элст балһснд эн жилин хаврар һурвн дундур минһн дөрвлжн метрт асфальтн-бетонн хааһлст ясврин көдлмш кегдв. Иим ясврин көдлмш хөрн нәәмдчг әәрмин, Буденна, Ленина нертә уульнцд, Сухә-Баатрин уульнцин зәрм һазрт кегдв гиж танһчин тосхлтын, хаалһин эдл-ахун министерствд зәнглв. Тер мет Кировин нертә уульнцд ясврин көдлмшин цаарандан кегдх, Сухә-Баатрин нертә уульнцд ясврин көдлмш төгсх. Ода болхла ясврин көдлмш негдгч, хойрдгч, дөрвдгч болн зурһадгч микрорайодт кегджәнә. Танһчин тосхлтын, көлгн-күчнә болн хаалһин эдл-ахун министерствин зәнглсәр, Хальмг танһчин аһуд нег минһн хойр зун арвн тавн минн дууна региональн чинртә хаалһ бәәнә. Эн жил хаалһс яслһна төлә танһчин бюджетас тәвн сай арлснг йилһж өггдх зөвтә. Эндр өдрт эн мөнгн күцц олзлгдв.
