Элст балһснд дзюдон марһан болв
Эндр Элст балһснд бөк бәрлдлһнә академьд уйн наста дзюдоистнрин Хальмг танһчин марһан эклв. Энүнд бөкнр хойр насни багар хувагдж, арвн нәәмн чиннүрин категорьт дииләчән йилһхмн. Ут-тоодан марһанд далн спортсмен дөрлдв. Эдн цугтан дөрлдәнд тохнята белдвр кеж. Үлгүрнь, Дорж Джапов олн-зсүн марһаст призермудын тоод орла. Одахн цугәрәсән турнирт цаһан мөнгн медаль шүүж авсмн. Арвн хйор инаста Дольган Чимидов болхла иргчдән олимпийск чемпиона нер зүүх саната бәәнә. Лондона олимпийск чемпион Арсен Галстяна интервью умшж. Арсен йисн настаһасн авн иим нер зүүхәр санж. Тегәд Дольга бас иим ик күцл өмнән тәвжәнә. Онц темдглхд, Хальмгин чемпионатд бичкн күүкд бас орлцжана. Настя Глушихәинаг долан настаднь эцкнь секдц дахулж авч ирсн бәәж. Дзюдо йир сәәхн спорт гиж күүкн тоолжана. Танһчин уйн наста дзюдоистнрин марһан манһдур төгсх. Дөрлдәнә ашар хамгин сән бөкнрт болн тренермудт мөрә бәрүлж өггдх.
