ЕГЭ-н шүүврин аш диглгдх
Эсвин предметар ЕГЭ-н шүүврин урдаснь кесн то-диг медгдв. Комиссин зәнглсәр, Әрәсән цуг регионмудт шүүврин закан эвдгдсн уга. Урдаснь кесн то-дигәр, эн жил школан төгсәсн сурһульчнрас долан дундур процентнь хамгин бичкн кежмәтә хөрн дөрвн балл авч чадсн уга. Эсвин шүүвриг дәкнәс өгснә хөөн шүүврин аш күцц медгдх. Дәкәд нег тодлад келхлә, эсвин шүүвр аттестат авлһнд үлмәһән күргх. Кемр сурһульч хамгин бичкн кежмәтә темдг авсн болхла, эсвин ЕГЭ-н шүүвриг июнин арвн йиснд эс гиж региона шүүврин комиссин шиидврәр талдан өдр өгч болх. Болв энүнә төлә сурһульч орс келнә предметар хамгин бичкн кемжәтә балл авх зөвтә. Эсвин предметар тавн зун көвүн-күүкн зун балл авч чадв. Эн жил Рособрнадзорин комиссь өөдән балл болн зун баал авсн көдлмш Әрәсән арвн дөрвн субьектд бүрткж хәләхәр шиидв, тер тоод Ар Кавказин федеральн округин цуг регионмудт, Брянск областьд болн Башкортостанд иим бүртклһн кегдх.
