Догшн халунас көлтә танһчин аһуд буудян урһц йир му болв
Хальмг танһчд эн зунар йир догшн халун болснас көлтә буудян урһц мууһар һарв. Ут-тоодан зуг зун хөрн тавн тонн буудя цокж авгдв. Эннь һан-халун болсн йирн йисдгч жиләс кесг холванд баһ болж һарчана. Танһчин райодын ик зууднь нег сарин туршарт бачм чинртә бәәдл зарлгдв. Сарпинск районд иим тенгрин таалд буудян урһцин найн процентнь үрж одв. Района бат эдл-ахус ода күнд бәәдлд тусв.
Сарпинск района Кануковский СПК-д эн зунар буудян урһц тас һарсн уга. Урднь эн эдл-аху эн туст сән урһц хураж авдг бәәсмн. Ода болхла Кануковский СПК-н иргч ямаран болхнь күн меджәхш. Эн жил буудян сән урһц хураж авх зура билә, ут-тоодан һурвн дундур минһн тонн буудя цокж авх санан бәәсмн. Болв тенгрин таал дегд му болв. Апрелин дундурас авн июлин дундур күртл тас нег чигн зур орсн уга. Ода кеер долан комбайн көдлжәнә. Урһц бичкн болв чигн, хураж авх кергтәлм гиж тәрәчнр келнә. Сарпинск района Кануковский СПК-н ахлач Александр Лавровин келсәр, буудян урһциг хураж авад, солом белдж авх кергтә. Эн соломиг бәәрн улст түгәж өгх зура бәәнә. Үвлин кемд эдн малан асрх.
Хойр сардан болсн һан-халунас көлтә буудян урһц хагсад үрж одв. Үвлин хөөн болхла намрин тәрән сәәнәр һарв, хаврар тәрсн урһц бас гем угаһар урһжала. Догшн халун техникд бас му нилчән күргжәнә. Трактормуд болн комбайнмуд кеер хамхрна. СНХ Кануковский СПК-н слесарь Геннадий Саенко келсәр, ода техникд дегд күнд болжана. Комбайн хуучн болад, урһц мууһар хураж авгджана. Иим таалд шин комбайнмуд хулдж авч болжахш. Ода техник тас хоосар көдлжәнә, нег үлү дару-дарунь хамхржана.
Эндр өдрт Сарпинск района һару зун далн йисн сай арслнг тогтажана. Буудян тәрән тәвн зурһан минһн гектарас дөчн дөрвн минһн гектар үрв, ут-тоода цуг урһцин аһуһас найн процентнь үрж одв. Нег үлү, машина тос-түлә, сольврин әнг хулдж авхин төлә банкас авсн өгья мөнг хәрү өгх кергтә болжана. СНХ Сарпинск района муниципальн бүрдәцин толһачин үүл дав зуур даажах Николай Герасимовин келсәр, шангас дөн эс ирхлә, дегд күнд болх. Ода района ик СПК-с цугтан банкротствин таалд тусв. Эднәс хойр эдл-аху банкрот болв. Ода йир түрү бәәдл тогтв.
Селәнә эдл-ахун бәәрн көдләчнрин тоолврар, деерәс дөн эрк биш кергтә болжана. Нег үлү, хам-хоша бәәх райодт бас иим бәәдл тогтв. Ода Хальмг танһчин цуг селәнә эдл-ахусин һару тавн зун сай арслнгд күрчәнә.
Бевина Мергн, Жамбин Дмитрий
