Цаажла харһсн келн-улсин номин конференц болжана

Эндр Элст балһснд хальмг улсиг цаажла харһулсн далдгч жилин өөнд нерәдгдсн цаажла харһсн улс — тууж болн өдгә цаг нерәдлһтә номин конференц көдлмшән эклв. Энүнә көдлмшт орлцхар хальмгин хотл балһснд цаажла харһсн Ар Кавказин келн-улсин регионмудын номтнр ирв. Номин конференцд Хальмгин, Карачево-Черкессин, Ингушетин, Дагестана, Чеченск республикин болн Ставропольск крайин олна организацсин элчнр болн номтнр орлцжана. Эдн хойр секцар хувагдж көдлжәнә. СССР-ин цаажин политикин болн цаажла харһсн келн-улсин нер цеврдүлһнә специалистнрин көдлмшиг туужин номин доктор Константин Максимов һарджана. Кабардино-Балкарин туужин номин доктор Светлана Аккиева туужд, литературт болн фольклорт цаажин төрмүдин секциг толһалжана. Эндр цугәрәсән номин конференцин орлцанр көдлмшин аш дигләд, резолюц батлж авх. Хальмг танһчин толһач Алексей Орловин келсәр, иим хургт босгджах төрмүд ик чинр зүүжәнә. Декабрин хөрн нәәмнд хальмгудыг төрскн һазраснь күчәр нүүлһснә өдр цуг әмтн нег минутд тагчг бәәһәд, киитн Сиврт әмнәсн хаһцсн улсин санл тодлх. Иим керг жил болһн давулгдх. Алексей Орловин келсәр, эннь әмнәсн хаһцсн уцлст биш, әмд улст кергтә гиж Орлов темдглв.