Бәәрн завлрин өдрт нерәдгдсн байр болх

Апрелин арвнас авн хөрн һурвн күртл Элст балһснд болн цуг райодын муниципальн бүрдәцсд бәәрн залврин сән өдрт нерәдгдсн байрин керг-үүлдврмүд болх. Хамгин түрүнд байрин керг-үүлдврмүд Хар Һазра болн Яшкульск райодт болх. Апрелин арвнд эдн "В единстве — сила муниципалов" нертә сойлын болн спортын межрайонн керг-үүлдвр бүрдәх. Эн өдр олн-зүсн спортын марһас, эврә дурар үүлддг артистнр концерт үзүлх, бәәрн залврин органмудын көдләчнр ачлгдх. Тер мет иим хамцу байрин керг-үүлдвр Целинн болн Приютненск райод бүрдәх зурата. Апрелин арвн хойрла "Сайгачонок" нертә бичкдүдин лагерьт муниципальн көдләчнр дунд мини-футбольн, волейбольн, настольн теннисн болн шатрин марһас болх. Бәәрн залврин сән өдрин программар цуг муниципальн бүрдәцсд СМО-н ахлачнр, специалистнр, депутатнр орлцата байрин хургуд болх. Байрин керг-үүлдврмүд апрелин хөрн һурвнд Цецгәрич, мини Элстм нертә балһсна фестиваляр төгсх.