Баснга Баатрин нертә келн-улсин театр ончта өөнән темдглв
Баснга Баатрин нертә келн-улсин театр ончта өөнән темдглв. Мана ууһн театр далн тавн жил хоорна бүрдәгдсмн. Тер мет шин сезонд хальмгин нертә драматург, шүлгч болн бичәч Баснга Баатрин зун жилин өөн күцв. Нег минһн йисн зун жирн негдгч жиләс авн келн-улсин театрт энүнә нер зүүжәнә. Эн жил театр эврәннь программан шинрүлв, баһ наста артистнр коллективин ханьд көдлжәнә. Давсн жилин зунар келн-улсин театр ТЮЗ театрла негдсмн.
Эн байр ик өвәрц болн соньн байр болв. Далн тавн жилин туршарт келн-улсин драмин театрт кесг үй актермуд көдлж, соньн дүрмүд үзүлсмн. Ода энд көдлжәх артистнр соньн наад эврәннь онта өөндән белдв. Хальмгин театрин тууж мана танһчин туужла өөрхн залһлдата. Баһ наста актермуд уйн наста Калян Санжиг, Лижин Уланиг болн Баснга Баатриг үзүлв. Хол һучн зурһадгч жилд эднә нилчәр мана танһчд ууһн Хальмгин тетрт бүрдәж көдлсмн.
Тетарин сценд хол туужин халх дәкнәс шинрүлгдсн болж медгдв. , учдгч жилмүдт тәвгдсн нааднд нертә актермуд үзүлсн дүрмүд олн хәләһәчнр үзж соньмс. Тер тоод Хальмгин билгтә актрис тетарин олдн Бадена Нина. Энүнлә хамдан артистин эрдм дасж йовсн улс сәәһән хәәв. Өдгә цагт эн медәт дорас өсж баһчудт эврәнн билгән, дамшлтан үлдәж өгхәр зүткжәнә.
Бадена Нина дөчн негдгч жилд театральн институт төгсәсмн. Тер цагт иим өвәцр эрдм дассн әмтн дәәнә цагт арвн һурвн жилдән дурта көдлмшәрн көдлж чадсн уга. Тер бийнь Красноярск крайд тууврт бәәсн кемд тетарин артистнр хол Сиврт наад үзүлхәр зутксмн. Тәвн доладчг жилд Хальмг танһчд дәкнәс автономь өгсн хөөн театр шинәс экләд көдлсмн. Тер цагас авн энд кесг билгтә актермуд, режиссермуд көдлж, танһчин, Әрәсән болн һазадын ордудын хәләчнриг эрдмәрн байрлулж йовсмн.
Эн жидин тетральн шин сехон өвәрц болх зөвтә, юнгад гихлә эн жиләс авн театрин туужин шин халх эклжәнә. Энд һардвр сольгдв, шин художественн һардач көдлжәнә, баһ наста актермүд ирв. Хальмгин ТЮЗ тетарин артистнр мана алдр келн-улсин театрин ханьд орв. Энд удан жилдән көдлжәх улсин тоолврар. иим сольвр сән ашта болх зөвтә.
Келн-улсин тетарин коллективиг ик өннләнь Хальмг танһчин толһач Алексей Орлов, премьер-министр Людмила Иванова, сойлын министр Лариса Васильева йөрәв. Келхд, танһчин толһач тетарт шин оборудовань белглв.
Алексей Орловин келсәр, ода иим ик дааврта әмтнд церглжәх хойр халхин улс бәәнә — эннь цергә улс болн театрин көдләчнр.
Театрин баһ наста көдләчнр һардачнриг йөрәлмүдиг ик оньган өгч сонсв. Театрин ончта өөн ард үлдв. Эн жилд Баснга Баатрин зун жилин өөн күцв, тетарин далн тавн жилин өөн темдглгдв. Иргчдән тетарин коллектив эврәннь хәләһәчнрән соньн наадан байрлулхнь лавта.
Гюзялян Татьяна, Ирчин Алексей
