5 октября 2011, 18:57
Академик Пүрвя Эрдниевиг багшин байрла йөрәв
Эндр багшин нарта-делкән сән өдр. Хальмгин университетд академик Пүрвя Мучкаевич Эрдниевиг байрин өдрлә йөрәв. Астраханск педагогическ училишд сурчаһад, экләд багшар көдлв. Ода болхла далн жилдән багшлжана. Хальмгин деед сурһулин профессор, Әрәсән эрдм-сурһулин академик, УДЕ-н шин эв-арһ үүдәсмн. Энүнә эв-арһар Хальмг танһчин болн Әрәсән талдан регионмудын олн багшнр көдлжәнә, тер тоод Москван, Самаран, Хабаровск балһсна багшнр УДЕ олзлжана. Удл уга Пүрвя Эрдниев йирн нас зүүх. Насн дииләд ирв чигн, ода күртл дурта көдлмшән кеж, долан хонгт хойр дәкж оютнрт кичәл өгнә.
