Иргч пенсин тускар ухалх кергтә
Хальмг танһчин зун тәвн минһн күн эврәннь пенсин хоршулһна әнгин тускар ухалх зөвтә. Энүнә тускар Әрәсән президент федеральн зака батлж авв. Энүнә зокал иргч жилин январин нег шинәс авн үүлдврт орх. Мана орн-нутгин күн болһн ямаран әнгәс энүнә пенснь тогтхин тускар шүүвр кех зөвтә. Пенсионн сангин көдләчнрин тодлулсар, ода жалвас даатхлһна мөнгн гиж орулгджах мөнгн иргч пенсин даатхлһна болн хоршулһна әнгд йовулгджана. Эннь ирлцнүһү дараһар зурһан болн арвн зурһан процент. Даатхлһна әнг өдгә цагин пенсионермудт өггджәнә, хоршулһна әнг залврин компаньст йовулж болх. Иргч жилин январин нег шинәс авн экләд көдлх баһчуд тавн жилин эргцд шүүвр кеж чадх. Эдн шүүвр батлж автл, зурһан процентнь даатхлһна әнгд йовулгдх. Хойр минһн арвн тавдгч жилин декабрин һучн негн күртл иргч пенсин хоршулһна әнгин тускар шүүвр авх кергтә. Энүг государственн Пенсионн сангд үлдәх эс гиж негосударственн пенсионн сангд йовулж болжана.
