Хур элвгәр орсна хөөн олн әмтн бәәх гермүдин ора нуурад унв

Эн өдрмүдт Хальмг Танһчд хур элвгәр орсна хөөн олн әмтн бәәх гермүдин ора нурад унад, дусал дусв. Комунальн көдләчнр зовлн эдлжәх улст дөн болхар бәәнә аль угай?

Элст балсһна бәәрн Дельдина Полинан күүкнә патьр 9-ч давхрт бәәнә. Цөн сар хөөран эврәннь патьртан эн күүкн ясврин көдлмш кесн билә. Хур орсна хөөн герин орад чиг орад, дусал дусв. Эрснд наалдсн цаасн унв.

Кесг дәкч тиим йовдлла эн күүкн һарһсн билә. Дула өгдг Турвас хаһрсна усн гүүһәд харшан күргв. Дигтә тер цагт ясвр эврәннь мөнгәрн кесн билә. Жилишн комунальн эдл ахун көдләчнр эн туст дөн нөкдән күргсн уга. Эндр өдр кегдсн күүндврин йовудт комунальн көдләчнр хәрүһинь өгч чадсн уга билә.

ДЭЗ компаня элчнрин келсәр хур орсна хөөн тиим йовдл талдан гермүдт харсн уга. Һанцхн эн күүкнә герин ора нуурад унсн билә. Талдан әмтнәс эрлһ ирсн уга .

Тиим йовдл дәкәд харһхла мадн тер дарунь дөнгән күргхвидн гиж ДЭЗ компаня элчнр келж өгв. Дельдина Полина эврәннь зовлган ДЭЗ компаня көдләчнрт келж өглә. Нег сарин эргцд эн ДЭЗ комнпаня көдләчнр ясврин көдлмш күцәхәр бәәнә. Болв чик кевәр эдн көдлмшән кех аль угай эн сурврт күн хәрүһинь келж чадшго.

Полина Дельдинован келсәр тенгрин бәәдл му болад эндр ясврин көдлмш кегдшго. Нарн һархла ясврин көдлмш давулхар бәәнә.

Хур орсна хөөн эндр нарн һарв. Нарн һарсна хөөн комунальн эдл ахун көдләчнр ясвр кех аль угай. Эн тускар нег чигн күн хәрүһинь келж чадшго.

Дмитрин Татьяна, Хавтхна Анатолий