5 октября 2012, 14:42
Хамгин кезәнк школын гер Лагань балһснд шинрүлж ясгдв
Лагань балһсна хамгин кезәнк школын гер шинрүлж ясгдв. Негдгч тойгта школ давсн жилд далн тавн жилин өөнән темдглсн билә. Һучн зурһадгч жилд тосхгдсн школын герт тер цагас авн нег чигн дәкж ясвр кегдәд уга бәәж. Дөчн һурвдгч жилд эндәс хальмгудыг киит Сиврт нүүлһсмсн. Тегәд эн школын гер тер һашута цагин герч болжана. Эн жилин зунар энд ясврин көдлмш кегдв. Герин һазак эрсн ширдгдв, хучн омкрсн модн поолын ормд өдгә цагин некврлә ирлцәтә керамическ плитк делггдв, школын фойе у-салу ке-сәәхн болж хүврүлгдв. Ода шинрүлгдсн школд тавн зун көвүд-күүкд сурчана. Энд тәвн багш көдлжәнә. Эднәс зәрмнь Хальмг танһчин ачта бгшин нер зүүв, Әрәсән эрдм-сурһулин күндтә көдләчнр болв.
