Хальмгин Ик сурhульд багшин эрдмтә улсин төлә яарм болв

Көдлмш уга улсин то баһрв. Болв эндр өдр сурһулән чиләсн улс көдлмшт орж чадхш. Росстатын көдләчнрин кесн то дигәр көдлмш уга улс то 6%-ас авн 5% күртл баһрсн билә.

Эндр өдр ик сурһулән чиләсн бюаһчуд көдлмш олж авлгон сууна. Хамгин түрүн орм багшин эрдм авсн улс көдлмш уга үлднә. Школд көдлх улс баһар ирнә. Кесг жилдән суудг улс көдлжәнә. Баһчуд нааран ирхәр седхш. Элст балһсна ахлачнр баһ наста багшнриг патьрар дөнкцл мөнгәр дөн күргжәхш. Эндр өдр яһж баһчудт дөн нөкд күргх кергтә шидр ик сурһльд ярмарка вакансий нерәдлһтә керг үүлдвр давв. Көтчнрә района сурһуль эрдмин болн сойлын әнгин азлач Инна Бургуеван келсәр Көтчнрә школмудт дөрвн багш уга. Нааран исрн баһчудт дөн нөкдән күргхәр сана зүүжәнә.

Инна Бургаеван келсәр селәнд көдлхәр седсн улст ахлачнр хөрн минһн арлсн мөнгн өгх саната. Патьрар чигн теткх. Танһчд 46 багшнрин орм бәәнә. Зунын амрллһна зөөн э норм икгдх. Бүрдәсн керг үүлдврин ашт көдлмш өгчәх арһлачнр баһ наста багшнрла күүндәд көдлх орм олж авв. Мерген Ольцонов эндр өдр 4 күрсин оютн болжана. Ик сурһулән чиләснә хөөн төрсн селәндән ирж багш болж көдлхәр сана зүүжәнә.

Көдлмш тетклһнә яаармд специалистнр һурв әнгләд көдлв. Ик сурһлән чиләжәх баһчуд эндр өдр кесг архлачнрла күүндж чадв. Көдлмш олж авсн деерән көдлмәр теткжәх архлачнр көдлжәх улст социальн дөн күргх зөвтә. Хальмг эрдм сурһулин номин болн сойлын министр Лариса Васильеван келсәр эндр өдр көдлжәх улсин төлә кесг керг үүлдвр күцәх кергтә. Дәкәд сүл жилмүдт көдлсн ормдан шав авсн улсин то өсәд йовна. Эн жил эклснәс авсн 6 күн тиим көдлмштән шав авсн билә.

Келхд, цуг эн төрмүдән архлачнр тас ухалхш. Эндр өдр эн төрәр хальмгин правительст кергтә зака батлжана. Дәкәд көдлмш уга улсин тускар кесг керг үүлдврмүд бүрдәгджәнә.

Дмитрин Татьяна, Котинов Валерий