Хальмг танһчин хазгуд Париж балһснд одв
Нег минһн нәәмн зун арвн хойрдгч жилин төрскән харсгч дәәнд диилвр бәрсн дәәчнрин санл мөнкрүлһнә эн жил зунар эклсн керг-үүлдвр Париж балһснд йовлһна кергәр төгсв. Журналистнрла болсн харһлтын йовудт керг-үүлдврин орлцачнр Хальмг танһчин хазгудын цергин одмн Эрдни Манжиковин болн Зултрһн нертә келн-улсин ансамблин артистнрин келсәр, үйнрин залһлдан тасрх зөв уга. Эднә өвкнр баатр-зөрмг кевәр дәәлдснә тускар иргч үйнр сәәнәр медх зөвтә. Хазгудын тоолврар, санлын керг-үүлдврмүдин программар олн-зүсн соньн харһлтс болв, Францин хотл балһснд кесг улсла бүлән күр-күүндвр кегдв. Парижин өөр бәәх Фонтенбло балһснд болсн байрин керг-үүлдврт эс орлцж чадсндан хальмгин элчнр һундв чигн, Париж балһснд одсн кемд цуг эн һундл мартгдв. Париж балһснд болсн харһлтсин тускар документальн фильм кегдх. Ода энүг “Сән цаг” нертә телекомпань белджәнә.
