Хальмг көгжмчнр «Созвездие талантов» нертә келн-улсин марһанд орлцв

Элст балһсна 1гч тойгта көгжмин школын сурһульчнр шидр Анапа балһснд болсн «Созвездие талантов» нертә келн-улсин марһанд орлцад, һурвн алтн, 2 цаһан көнгн болн 2 күрл мөнгн медаль авч ирв. Дәкәд болхла эн сурһульчнр Москва балһснд болсн дууһин фестивальд диилвр бәрв.

Бичкн цагасн авн Дедюшева Амуланга ду дуулхдан дурта, тәәз деер һархларн седклән өгч дуулна. Жүрин гешүдт эн күүкнә дуулснь ут дун икәр таасгдв. Эн тускар маднд негдгч тойгта көгжмин училишин багш Стелла Мухтарова келж өгв. Москва болһснд марһанд гран при шүүж авв, Анапа балһснд болхла негдгч девснгин лауреат болв.

Эн күүкн йир билгтә Хальмг Танһчиннь нериг холд туурулж йовна, хамгин түрүнд энүнә эк эцктнь ханлтан өргх кергтә. Өдр болһн дуран өгч нааран ирж көгжм ду дасч цаган давулна. Эн жил баднд йир байрта болв, мана күүкд эврә билг эрдмән үзүлсн деерән талдан балһсдас ирсн күүкдлә таньлдж үүрлдв.

Анапа балһснд болсн «Созвездие талантов» нерәдллһтә марһан бичкдүдт Хамгин өвәрц, хамгин соньн болж медгдв. Эн марһанд күүкд көвүд дууһан дуулсн, бииһән биилсн деерән хальмг келн улсин кесг авьяс үзүлж олн олн улсиг байрулв. Хальмг улсиг «Зул» гидг нәр ик бичкн угад таасгдв. hәрән Чингис хуучр зевсг татад марһанд ирсн улсин чикнә хужр ханһав.

Бичкн цагасн авн би ду дуулнав. Олн зүсн марһаст орлцх нанд таасгдна, түрүн авгтан тәәз деер һархларн би невчкн әәдг биләв гиж Карина Очурова маднд келж өгв. Марһаст орлцхларн талдан балһсна кеермжс, талдан келн улсла таньлднач гиж Людмила Юреева келв.

Хойр марһаст шүүж авсн күндллһнә һашгуд, белгүд энкр көгжмин школд энкр багшнрт үнтә белг болж һарв. Эн жилд көгжмин школ далн тавн жилин өөнән темдглх. Келхд, Элстин хальмгин епархииин болн хальмгин цутхлн хурлын ламнр билгтә көвүд күүкд болн көгжмин школд зевсгүд белглх саната.

Дмитрин Татьяна, Котина Валерий